AQŞ-ta üş birdey Qazaqstan azamatı qamauğa alındı – dep habarlaydı RIA Novosti aqparat agenttigi.

N'yu-York prokuraturası taratqan aqparat boyınşa, tärtip saqşıları 25 adamnan qwralğan alayaqtıqpen aynalısqan qılmıstıq toptı wstağan. Olardıñ işinde Qazaqstan, Äzirbayjan, Türkiya, Resey, Gruziya, Ukraina, Latviya jäne AQŞ azamattarı bar. N'yu-York policiyasınıñ mälimetinşe, qılmıstıq top ökilderi osı uaqıtqa deyin ğalamtorğa avtokölik satuğa baylanıstı jalğan jarnama berip, satıp aluşılardan aldın ala jarna alu arqılı zañsız payda tauıp kelgen. Alayaqtardıñ arbauına tüsken azamattardıñ şığını 4,5 million dollardı qwrağan.

AQŞ zañına säykes, wstalğan 25 azamat öz ara kelisim jürgizu arqılı alayaqtıqpen aynalısqanı üşin 30 jılğa jäne asa iri kölemde qarjı jımqırğanı üşin 20 jılğa bas bostandığınan ayırıluı mümkin.

“The Qazaq Times”