اقش-تا ءۇش بىردەي قازاقستان ازاماتى قاماۋعا الىندى – دەپ حابارلايدى ريا نوۆوستي اقپارات اگەنتتىگى.

نيۋ-يورك پروكۋراتۋراسى تاراتقان اقپارات بويىنشا، ءتارتىپ ساقشىلارى 25 ادامنان قۇرالعان الاياقتىقپەن اينالىسقان قىلمىستىق توپتى ۇستاعان. ولاردىڭ ىشىندە قازاقستان، ءازىربايجان، تۇركيا، رەسەي، گرۋزيا، ۋكراينا، لاتۆيا جانە اقش ازاماتتارى بار. نيۋ-يورك پوليتسياسىنىڭ مالىمەتىنشە، قىلمىستىق توپ وكىلدەرى وسى ۋاقىتقا دەيىن عالامتورعا اۆتوكولىك ساتۋعا بايلانىستى جالعان جارناما بەرىپ، ساتىپ الۋشىلاردان الدىن الا جارنا الۋ ارقىلى زاڭسىز پايدا تاۋىپ كەلگەن. الاياقتاردىڭ ارباۋىنا تۇسكەن ازاماتتاردىڭ شىعىنى 4,5 ميلليون دوللاردى قۇراعان.

اقش زاڭىنا سايكەس، ۇستالعان 25 ازامات ءوز ارا كەلىسىم جۇرگىزۋ ارقىلى الاياقتىقپەن اينالىسقانى ءۇشىن 30 جىلعا جانە اسا ءىرى كولەمدە قارجى جىمقىرعانى ءۇشىن 20 جىلعا باس بوستاندىعىنان ايىرىلۋى مۇمكىن.

“The Qazaq Times”