Batıs Qazaqstan oblısı Bökey Orda audanındağı 127 mal şaruaşılığı Resey äskeri jalğa alatın aumaqta ornalasqan. Osılay dep audan äkimi Nwrlan Raqımjanov ayttı.

Äkimniñ sözinşe, jalğa alğan jer qauiptiligi jağınan üşke bölingen. Şaruaşılıqtar üşinşi kategoriyada ornalasqan.

- Üşinşi kategoriyada sınaq öte az boladı. Negizgi sınaqtar birinşi jäne ekinşi kategoriyada jürgiziledi. Äskeriler ol jerde sınaq bastalğanı turalı eskertu jasauğa mindetti emes. Sebebi ol mañda bizdiñ şaruaşılıqtar ol mañda bolmauı kerek, - deydi äkim.

Äkimdiktiñ esebinşe, Bökey Orda audanınıñ barlıq aumağınıñ (1 mln 931 gekter) jartısın (944 mıñ gektar) Resey jalğa alğan. Onda Reseydiñ Memlekettik wşu-sınaq ortalığı men Kapustin YAr sınaq alañı ornalasqan.

Astana men Mäskeudiñ kelisimi boyınşa bwl aymaqqa qwrılıs saluğa tıyım salınğan. Al audan basşılığı aymaqtağı ört qauipsizdigin qamtamasız etui tiis.

2017 jılı aymaqtağı 1400 gektardı Qazaqstan qiırşıq tas öndiru üşin qaytarıp alğan.

“The Qazaq Times”