Barlau agentteriniñ qaru-jarağı. Foto: youtube.com.

Reseydiñ Federaldıq Qauipsizdik Qızmeti (FQQ/FSB) qanday elektrondı qwral-jabdıqtardı qoldanu tıñşılıq äreketi dep sanalatının anıqtaytın zañ jobasın äleumettik talqığa saluda. Sebebi, soñğı kezderi Reseyde keybir elektrondı qwral-jabdıqtardı qoldanğanı üşin qılmıstıq is qozğalğan jağdaylar birneşe ret tirkelgen.  

FQQ bwl turalı el azamattarına keñirek tüsinik beruge şeşim qabıldap otır. Bıltır Kurgan oblısında bir fermer öristegi malına elektrondı orın belgileu (GPS) taqqanı üşin tıñşılıqpen ayıptalğan. Al fermer bolsa öziniñ maldarınıñ qayda jayılıp jürgenin baqılaudı közdegenin aytadı. Keyin prezident Putinniñ aralasuımen, yağni baspasöz mälimdemesin jasap mäseleni dwrıs jağınan qarap tekserudi tapsırğannan keyin ğana qılmıstıq is toqtatılğan.

Reseyde qalamsap nemese tüsti közildirikke ornatılğan video kamera nemese dıbıs jazu qwrılğıları da jazağa tartıluı mümkin. Kezekti zañ jobasın FQQ öziniñ resmi saytında jariyaladı. Eger bwl zañ jobası qabıldanıp jatsa RF-nıñ qılmıstıq jäne äkimşilik basqaru turalı kodeksine özgertuler engizilmek. Tıyım salınğan elektrondı qwral-jabdıqtardıñ qatarında arnayı komp'yuterlik programmalar da engizilgen.

Osığan deyin Resey zañdarında «tıñşılıq qwral-jabdıqtar» dep atın atap, tüsin tüstep beretin zañ bolğan emes. Qazir osınday zañ jobası äleumettiñ talqısına tüsude.

“The Qazaq Times”