بارلاۋ اگەنتتەرىنىڭ قارۋ-جاراعى. فوتو: youtube.com.

رەسەيدىڭ فەدەرالدىق قاۋىپسىزدىك قىزمەتى (فقق/فسب) قانداي ەلەكتروندى قۇرال-جابدىقتاردى قولدانۋ تىڭشىلىق ارەكەتى دەپ سانالاتىنىن انىقتايتىن زاڭ جوباسىن الەۋمەتتىك تالقىعا سالۋدا. سەبەبى، سوڭعى كەزدەرى رەسەيدە كەيبىر ەلەكتروندى قۇرال-جابدىقتاردى قولدانعانى ءۇشىن قىلمىستىق ءىس قوزعالعان جاعدايلار بىرنەشە رەت تىركەلگەن.  

فقق بۇل تۋرالى ەل ازاماتتارىنا كەڭىرەك تۇسىنىك بەرۋگە شەشىم قابىلداپ وتىر. بىلتىر كۋرگان وبلىسىندا ءبىر فەرمەر ورىستەگى مالىنا ەلەكتروندى ورىن بەلگىلەۋ (GPS) تاققانى ءۇشىن تىڭشىلىقپەن ايىپتالعان. ال فەرمەر بولسا ءوزىنىڭ مالدارىنىڭ قايدا جايىلىپ جۇرگەنىن باقىلاۋدى كوزدەگەنىن ايتادى. كەيىن پرەزيدەنت ءپۋتيننىڭ ارالاسۋىمەن، ياعني ءباسپاسوز مالىمدەمەسىن جاساپ ماسەلەنى دۇرىس جاعىنان قاراپ تەكسەرۋدى تاپسىرعاننان كەيىن عانا قىلمىستىق ءىس توقتاتىلعان.

رەسەيدە قالامساپ نەمەسە ءتۇستى كوزىلدىرىككە ورناتىلعان ۆيدەو كامەرا نەمەسە دىبىس جازۋ قۇرىلعىلارى دا جازاعا تارتىلۋى مۇمكىن. كەزەكتى زاڭ جوباسىن فقق ءوزىنىڭ رەسمي سايتىندا جاريالادى. ەگەر بۇل زاڭ جوباسى قابىلدانىپ جاتسا رف-نىڭ قىلمىستىق جانە اكىمشىلىك باسقارۋ تۋرالى كودەكسىنە وزگەرتۋلەر ەنگىزىلمەك. تىيىم سالىنعان ەلەكتروندى قۇرال-جابدىقتاردىڭ قاتارىندا ارنايى كومپيۋتەرلىك پروگراممالار دا ەنگىزىلگەن.

وسىعان دەيىن رەسەي زاڭدارىندا «تىڭشىلىق قۇرال-جابدىقتار» دەپ اتىن اتاپ، ءتۇسىن تۇستەپ بەرەتىن زاڭ بولعان ەمەس. قازىر وسىنداي زاڭ جوباسى الەۋمەتتىڭ تالقىسىنا تۇسۋدە.

“The Qazaq Times”