Germaniya policiyası bir reseylik azamattı tıñşılıq ayıbımen twtqındadı. Foto: BBC.

Germaniyanıñ joğarı oqu orınında jwmıs istegen 29 jastağı Resey azamatına prokuratura tıñşılıq ayıbın taqtı. Ilnur degen atpen belgili bolğan reseylik azamat ötken aptada mälimetterdi Reseyge bergen degen küdikpen wstalğan bolatın.

Bwl turalı BBC taratqan mälimetterge qarağanda, küdikti Resey azamatı Germaniyanıñ joğarı oqu orınında (eldegi qaysı universitet ekeni aytılmağan) ğılımi zertteuşiniñ kömekşisi bolıp jwmıs istegen. Tergeu mälimetteri körsetkendey ol soñğı 8 ay işinde Reseydiñ barlau qızmetiniñ ökilimen 3 ret kezdesken. Ol universitet turalı mälimetterdi Resey barlau qızmetine bergeni üşin aqşa alıp twrğan degen küdik bar.

Aqparat qwraldarında küdikti reseylik Bavariyadağı Augsbrug universitetiniñ mehanikalıq injenerlik böliminde jwmıs istegeni aytıluda. Qazir Germaniya policiyası tergeu amaldarın jürgizip, jwmıs ornı men üyine tintu alıp barğan. Eger tıñşılıq jasağanı rastalsa Germaniyada bes jıl qamau jazasın ötemek.

“The Qazaq Times”