Qazaqstan men Qıtay birlesken qarjı qorın qwrdı.

Mamır ayınıñ 8-i küni Qazaqstan men Qıtay arasında «Eurasian Nurly (Bright) Investment Fund» qorın qwruğa qatıstı qwjattarğa «Bayterek» wlttıq holdinginiñ törağası Aydar Arifhanov pen «CITIC Eurasian Capital Limited» kompaniyasınıñ direktorı Sun' YAn men Qıtay-Euraziya ekonomikalıq qorınıñ prezidenti Lin' Gan qol qoyğan.

Aydar Arifhanovtıñ sözinşe, Qazaqstan men Qıtay birlesip qwrğan qordıñ qarjı mölşeri 500 million dollardı qwraytın boladı. Qor investiciyası negizinen Qazaqstan ekonomikasına bağıtalğan. Atap aytqanda qor qarjısı Qazaqstannıñ paydalı qazba baylıqtarın igeruge, ifroqwrılım men jaña tehnologiyalardı damıtuğa jäne agroönerkäsip keşenderiniñ jwmısın jaqsartuğa jwmsaladı.

Esteriñizge salayıq, bwğan deyin BAQ betterinde Qıtaydıñ eksport-importtıq bankiniñ Qazaqstanğa 730 million dollar köleminde nesie beretindigi jöninde aqparat tarağan. Atalmış qarjı «Astana-Qarağandı-Balqaş-Kürti-Qapşağay-Almatı», «Qarağandı-Bwrılbaytal», «Qarağandı-Balqaş» tas jolınıñ «Ortalıq-Oñtüstik» dälizin qayta salu» jobasına jwmsaladı dep josparlanuda.

“The Qazaq Times”