Bügin 1 mausım Halıqaralıq balalardı qorğau küni. Älemdegi jäne qazaq elindegi barşa aq perişte – säbilerdiñ, jas öspirimderdiñ ataulı künimen qwttıqtaymız!

Osı orayda, barşa ata-analar, eresekterge älemdegi 1,2 mlrd balanıñ qauip astında jasap jatqanın eskertemiz. Save the Children halıqaralıq wyımınıñ mälimetine qarağanda, älemdegi balalardıñ jartısına juığı kedeyşilik, aşarşılıq, soğıs jäne japalı ömir astında ötude.

Atalğan mälimetterdi keñinen taratar bolsaq, 1 milliardtan astam jasöspirim kedeyşilik pen aşarşılıq jaylağan ortada, 240 mln bala qaqtığıs oşaqtarında, 575 million qız bala adam saudası men zorlıqtı küştiñ qwrbanı boluda.

1 mausım balalardı qorğau künine oray, barşa qoğam müşeleriniñ bolaşaq ielerine degen jauapkerşilik pen borıştar tanımın tereñdetuin adamzat bolaşağı talap etude. Olarğa bolaşaqtı tabıstaudan bwrın sapalı bilim, önegili tärbie, jılı meyirim qajet ekenin eskertedi. Jer üsti qasiretten ada, säbiler jüzi quanışqa tolı bolsın!

“The Qazaq Times”