بۇگىن 1 ماۋسىم حالىقارالىق بالالاردى قورعاۋ كۇنى. الەمدەگى جانە قازاق ەلىندەگى بارشا اق پەرىشتە – سابيلەردىڭ، جاس وسپىرىمدەردىڭ اتاۋلى كۇنىمەن قۇتتىقتايمىز!

وسى ورايدا، بارشا اتا-انالار، ەرەسەكتەرگە الەمدەگى 1,2 ملرد بالانىڭ قاۋىپ استىندا جاساپ جاتقانىن ەسكەرتەمىز. Save the Children حالىقارالىق ۇيىمىنىڭ مالىمەتىنە قاراعاندا، الەمدەگى بالالاردىڭ جارتىسىنا جۋىعى كەدەيشىلىك، اشارشىلىق، سوعىس جانە جاپالى ءومىر استىندا وتۋدە.

اتالعان مالىمەتتەردى كەڭىنەن تاراتار بولساق، 1 ميللياردتان استام ءجاسوسپىرىم كەدەيشىلىك پەن اشارشىلىق جايلاعان ورتادا، 240 ملن بالا قاقتىعىس وشاقتارىندا، 575 ميلليون قىز بالا ادام ساۋداسى مەن زورلىقتى كۇشتىڭ قۇربانى بولۋدا.

1 ماۋسىم بالالاردى قورعاۋ كۇنىنە وراي، بارشا قوعام مۇشەلەرىنىڭ بولاشاق يەلەرىنە دەگەن جاۋاپكەرشىلىك پەن بورىشتار تانىمىن تەرەڭدەتۋىن ادامزات بولاشاعى تالاپ ەتۋدە. ولارعا بولاشاقتى تابىستاۋدان بۇرىن ساپالى ءبىلىم، ونەگىلى تاربيە، جىلى مەيىرىم قاجەت ەكەنىن ەسكەرتەدى. جەر ءۇستى قاسىرەتتەن ادا، سابيلەر ءجۇزى قۋانىشقا تولى بولسىن!

“The Qazaq Times”