Kievte reseylik jurnalist Arkadiy Babçenkonı atıp ketti – dep habarlaydı «Meduza» aqparat agenttigi.

Mamır ayınıñ 29-ı küni Kiev qalasında reseylik jurnalist Arkadiy Babçenkoğa qarulı şabuıl jasaldı. Oğan üyiniñ aldındağı dükennen şıqqan bette belgisiz adamdar oq atqan. Saldarınan Babçenko auruhanağa barar jolda köz jwmğan.

Kiev qwqıq qorğau organdarınıñ boljamı boyınşa, Arkadiy Babçenkonıñ ölimine onıñ käsibi qızmeti men azamattıq wstanımı sebep boluı mümkin.

Qazirgi tañda Ukraina işki ister ministrligi atalmış oqiğağa baylanıstı «qasaqana kisi öltiru» babı boyınşa is qozğağan. Öz kezeginde Resey tergeu komiteti «Tergeu komiteti Resey azamatına qatıgezdikpen jasalğan qılmıstı nazardan tıs qaldırmaydı» - dep mälimdegen.  Al Halıqaralıq jurnalisterdi qorğau komiteti Ukraina biligin Babçenkonıñ ölimin mwqiyat tekseruge şaqırğan.

Ayta ketetin bir jayt, Arkadiy Babçenko qastandıqqa deyin öziniñ «Twitter» paraqşasına prezident adamdarınıñ özine ses körsetip jürgendigi jöninde jazğan. Biraq keyinirek ol jazbasın öşirip tastağan.

Arakdiy Babçenko Şeşenstanda bolğan eki soğıstıñ ekeuine de qatısqan. Ol wzaq jıldar boyı äskeri tilşi bolıp «Novaya gazeta» siyaqtı bedeldi basılımdarda jwmıs istegen. Osı uaqıt aralığında ol Resey biligin san märte sınağan. Babçenko 2017 jılı Reseyden ketip, Qırım tatarlırınıñ ATR telearnasına jürgizuşi bolıp qızmetke ornalasqan.

“The Qazaq Times”