رەسەيلىك جۋرناليست اركادي بابچەنكو،

كيەۆتە رەسەيلىك جۋرناليست اركادي بابچەنكونى اتىپ كەتتى – دەپ حابارلايدى «مەدۋزا» اقپارات اگەنتتىگى.

مامىر ايىنىڭ 29-ى كۇنى كيەۆ قالاسىندا رەسەيلىك جۋرناليست اركادي بابچەنكوعا قارۋلى شابۋىل جاسالدى. وعان ءۇيىنىڭ الدىنداعى دۇكەننەن شىققان بەتتە بەلگىسىز ادامدار وق اتقان. سالدارىنان بابچەنكو اۋرۋحاناعا بارار جولدا كوز جۇمعان.

كيەۆ قۇقىق قورعاۋ ورگاندارىنىڭ بولجامى بويىنشا، اركادي بابچەنكونىڭ ولىمىنە ونىڭ كاسىبي قىزمەتى مەن ازاماتتىق ۇستانىمى سەبەپ بولۋى مۇمكىن.

قازىرگى تاڭدا ۋكراينا ىشكى ىستەر مينيسترلىگى اتالمىش وقيعاعا بايلانىستى «قاساقانا كىسى ءولتىرۋ» بابى بويىنشا ءىس قوزعاعان. ءوز كەزەگىندە رەسەي تەرگەۋ كوميتەتى «تەرگەۋ كوميتەتى رەسەي ازاماتىنا قاتىگەزدىكپەن جاسالعان قىلمىستى نازاردان تىس قالدىرمايدى» - دەپ مالىمدەگەن.  ال حالىقارالىق جۋرناليستەردى قورعاۋ كوميتەتى ۋكراينا بيلىگىن بابچەنكونىڭ ءولىمىن مۇقيات تەكسەرۋگە شاقىرعان.

ايتا كەتەتىن ءبىر جايت، اركادي بابچەنكو قاستاندىققا دەيىن ءوزىنىڭ «Twitter» پاراقشاسىنا پرەزيدەنت ادامدارىنىڭ وزىنە سەس كورسەتىپ جۇرگەندىگى جونىندە جازعان. بىراق كەيىنىرەك ول جازباسىن ءوشىرىپ تاستاعان.

اراكدي بابچەنكو شەشەنستاندا بولعان ەكى سوعىستىڭ ەكەۋىنە دە قاتىسقان. ول ۇزاق جىلدار بويى اسكەري ءتىلشى بولىپ «نوۆايا گازەتا» سياقتى بەدەلدى باسىلىمداردا جۇمىس ىستەگەن. وسى ۋاقىت ارالىعىندا ول رەسەي بيلىگىن سان مارتە سىناعان. بابچەنكو 2017 جىلى رەسەيدەن كەتىپ، قىرىم تاتارلىرىنىڭ اتR تەلەارناسىنا جۇرگىزۋشى بولىپ قىزمەتكە ورنالاسقان.

“The Qazaq Times”