1 aqpan küni Niderland Sırtqı ister ministrliginde «EKSPO-2017» halıqaralıq mamandandırılğan körmesine qatısatın gollandıqtarğa arnalğan resmi sayttıñ twsaukeseri ötkizildi. Internet-qwral Niderlandtıñ sauda jäne investiciyalar wlttıq agenttiginiñ elektrondı portalı negizinde qwrıldı. Bwl turalı SİM-niñ resmi saytında habarlandı.

Saytta alğaş ret Niderlandtıñ balamalı energetika salasında jetekşi tehnologiyalar men innovaciyadağı jetistikterin beyneleytin «EKSPO-2017» logotipi jäne «Low Land, High Energy» wranı jariya etildi.

Internet qoldanuşılarğa «EKSPO-2017» körmesindegi Niderlandtıñ wlttıq pavil'onı turalı aqparat, körmege qatısuşılar men qonaqtarğa elektrondıq türde tapsırıs beru mümkindigi qarastırılğan is-şaralar bağdarlaması jäne Qazaqstandağı paydalı siltemeler wsınılğan.

«Qazaqstanda biznes jürgizu» böliminde Astanada ötetin körme golland biznes-ökilderine, balamalı energetika, auıl şaruaşılığı, jasıl tehnolgiyalar men innovaciya salalarında iskerlik baylanıstardı keñinen ornatuğa mümkindik beretini ayrıqşa belgilengen. Oğan qosa, saytta 2017 j. mausım-qırküyek aralığında ötetin sauda missiyaları turalı aqparattı ornalastıru josparlanğan.

Erekşe nazar «bolaşaq jañaşıldar buını» retinde studenttermen jwmısqa audarılmaq. Astanadağı «EKSPO-2017» körmesinde Niderland delegaciyası golland jäne qazaqstandıq studentter arasındağı bilimmen almasuğa bağıttalğan «Innovation Challenge» akciyasın wyımdastırudı josparlauda.

Resmi sayttıñ aşıluı qarsañında Qazaqstannıñ Niderlandtağı Elşisi Mağjan İliyasovtıñ Niderlandtıñ EKSPO-dağı wlttıq komissarı Hans Drissermen kezdesui orın aldı. Kelissözder ayasında taraptar Niderlandtıñ Astanadağı halıqaralıq körmege dayındıq barısı swraqtarı, sonday-aq 2017 j. 22-23 aqpanda Astanada ötetin EKSPO körmesiniñ halıqaralıq komissarları jinalısına josparlanğan golland delegaciyasınıñ saparı mäseleleri talqılandı.

«EKSPO-2017» arnalğan arnayı sayttıñ Niderlandıda aşıluı - Astanada ötetin körmege qatısuşılar men qonaqtardı keñinen tartuda tiimdi qwral bolatını belgilenip ötti. Sayttı kelesi silteme arqılı aşuğa boladı www.hollandtradeandinvest.com/events/contents/expo-astana-2017

“The Qazaq Times”