Qıtay biligi bala sanına şekteudi alıp tastamaq – dep habarlaydı Bloomberg basılımı.

Bloomberg mälimetinşe, Qıtay biligi 2018 jıldıñ soñına deyin «bir otbası – bir bala» bağdarlamasınıñ küşin joyıp, bala sanın şekteudi toqtatpaq. Resmi Beyjiñ osı qadamı arqılı Qıtay halqınıñ qartayu processin azaytudı közdeude.

Qıtay biligi «bir otbası – bir bala» bağdarlamasın 1979 jılı engizgen. El biligi bwnday qadamğa halıq sanınıñ artuı saldarınan bolatın äleumettik dümpulerdiñ alın alu üşin barğan. Resmi Beyjiñniñ josparı boyınşa, 2000 jılı el halqı 1,2 milliard adamnan aspauı tiis bolğan. 2000 jılı jürgizilgen sanaqta el halqınıñ sanı resmi Beyjiñ josparlağan mejeden 42,5 million adamğa asıp ketken.

Qıtay biliginiñ «bir otbası – bir bala» bağdarlaması genderlik disbalansqa alıp kelip soqqan. Sebebi qıtaylıqtardıñ basım köpşiligi wrpağın jalğastıru maqsatında qız balağa emes wl balağa köbirek köñil bölgen. Qazirgi tañda Qıtayda er balalar qızdarğa qarağanda 20 millionğa köp. Halıqaralıq wyımdardıñ boljamı boyınşa, 2020 jılğa qaray bwl körsetkiş 24 millionğa jetui mümkin.

Bwğan deyin Qıtay biligi 2015 jılı Qıtay Kommunistik partiyasınıñ HVIII qwrıltayında otbasılarğa eki bala düniege alıp keluge rwqsat beretin zañ qabıldağan. Bwl zañ 2016 jıldıñ 1 qañtarınan bastap küşine engen. Qıtay biliginiñ josparı boyınşa, 2050 jılı jwmısqa qabiletti qıtaylıqtardıñ sanı 30 million adamğa ösui tiis. Jalpı, Halıqaralıq wyımdar Qıtay halqınıñ sanı 2029 jılğa qaray 1,45 milliard adamğa jetedi dep boljauda.

“The Qazaq Times”