Mirzieev: Özbekstan TAPI gaz qwbırınıñ qwrılısına qatısadı

Şavkat Mirzieev «Özbekstan TAPI gaz qwbırınıñ qwrılısına qatısadı» – dep mälimdedi.

Säuir ayınıñ 23-i küni Türkimenstan prezidenti Qwrbanğwlı Berdimwhamedovtıñ Taşkentke jasağan resmi is-saparı barısında Özbekstan basşısı Şavkat Mirzieev TAPI gaz qwbırınıñ qwrılısı jöninde mälimdeme jasadı. Onda ol: «Özbekstan TAPI gaz qwbırınıñ qwrılısına qatısadı. Biz bwl jobadan közqarastarımız tüyisetin jerdi tabamız. TAPI Auğanstandağı jağdaydı twraqtandıratın keñ kölemdegi joba» - degen.

Esteriñizge salayıq, Qwrbanğwlı Berdimwhamedovtıñ Taşkentke jasağan saparına deyin Özbekstan biligi Türkimenstan-Auğanstan-Päkistan-Ündistan bağıtındağı TAPI jobasına qatısudan bas tartıp kelgen. TAPI gaz qwbırı jobasınıñ qwrılısı Türkimenstan aumağında 2015 jıldıñ 13 jeltoqsan küni bastalğan. Jospar boyınşa, gaz qwbırı 2019 jılı paydalanuğa berilui tiis.

“The Qazaq Times”