AQŞ pen Qıtay arasında Tayuan taqırıbı kürdelilene tüsti. Foto: legion.org.

AQŞ prezidenti Donal'd Tramp «Tayuanğa (Tayvan') sayahat turalı zañğa» qol qoyğannan keyin, memlekettik hatşınıñ eki kömekşisi jäne köptegen Kongress müşeleri Tayuanğa resmi saparmen barıp, AQŞ-Tayuan qatınasın joğarı deñgeyge kötergen bolatın. Alayda, AQŞ pen Qıtay arasındağı sauda jäne sırtqı sayasattağı şielenisterdiñ artuımen, Tayuan mäselesi Uaşington men Beyjiñ arasında tım sezimtal taqırıp bolıp özgerdi. Tipti keybir taraptar Tayuan eki el arasındağı şahmattıñ peşkasına aynalıp qaldı ma dep alañdaydı. Bwl turalı «VOA» aqparattıq saytı jazdı.

Alayda, bwl alañdauşılıq turasında Tayuan prezidenti Say Iıñvın seysenbi küni sol eldegi «Nian Dai» arnasında öz pikirin bildirdi. Ol atalğan arnanıñ bağdarlamasında şeteldik jastarmen kezdesip, olardıñ alañdauşılığın teriske şığardı. Tayuan basşısı sözinde: «Tayuandı tömen bağalamañız, Tayuan özi de bir şahmatşı. Sırtqı sayasi bolmıstar kürt özgergen qazirgi jağdayda, Tayuan barlıq jağdaydı meñgerui kerek. Bwl «Gomeopatiyalıq operaciya» deuge boladı», – dedi.

Say Iıñvın sözinde: «Tayuannıñ 23 mln halqı bar, bwl az mölşerdegi halıq sanı emes. Al, Tayuannıñ ekonomikalıq quatı, tipti äskeri quatı da belgili bir deñgeyde. Şın mäninde Tayuannıñ özi de aytarlıqtay küş-quatqa ie. Köptegen adamdar bizdi basqalar şahmat tası retinde söz qıladı. Biraq, siz wmıtpañız, Tayuan özi de bir şahmat oyınşısı», – dedi.

Degenmen, Tayuan basşısı qazirgi sırtqı jağdaylardıñ kürdeli özgeristerge tüskenin, Tayuannıñ jeke küş quatı jağınan bwğan qarsı twrudıñ qiın ekenin anıq moyındaydı. Ol bwnı Tayuannıñ wlttıq qorğanısı üşin ülken sınaq dep bağaladı.

Tayuan taqırıbı Beyjiñ biliginiñ işki-sırtqı sayasatındağı eñ sezimtal taqırıptardıñ biri. Osıdan bwrın Qıtay basşısı Şi Jinpiñ Tayuannıñ derbestikke wmtılıp jatqanın qatañ sınğa alğan bolatın. Ol jäne Qıtaydıñ qazirgi quat-küşin ayta kelip, QHR twtastığın bizden eşkim bwzıp äkete almaydı dep eskertken. Soñğı AQŞ pen Qıtay arasındağı qayşılıqtardıñ arta tüsui Tayuan mäselesin kürdelilendire tüsti.

 “The Qazaq Times”