Endi salımşılar men aluşılar özine-özi qızmet körsetu terminaldarın paydalanu mümkindigine ie boldı dep habarladı «BJZQ» AQ baspasöz ortalığı.

Almatı, Qazaqstan -Birıñğay jinaqtauşı zeynetaqı qorı öziniñ barlıq 18 öñirlik filialında «Özine-özi qızmet körsetu terminalı» jobasınıñ önerkäsiptik paydalanuğa berilgendigin habarladı. Bwl joba «BJZQ» AQ-tıñ Korporativtik damu strategiyası ayasında jüzege asırıldı. Osı strategiyağa säykes, Qor öziniñ körsetetin qızmetteriniñ sapasın arttıra otırıp, salımşılarğa zeynetaqı jinaqtarın qalıptastıruğa wyımdıq twrğıdan kömek körsetedi.

Qazir terminalda mınaday qızmetter qoljetimdi:

  1. Zeynetaqı şottarınıñ bar-joğı turalı anıqtama alu;
  2. Jeke zeynetaqı şotınan üzindi-köşirme alu;
  3. Mindetti zeynetaqı jarnaları boyınşa şart jasasuğa ötiniş beru;
  4. Jeke derektemelerdi özgertu;
  5. Berilgen ötinişterdiñ orındalu märtebesin qadağalau.

Bwl qızmetterdi özine-özi qızmet körsetu terminaldarı arqılı alu üşin salımşını (aluşını) anıqtap tanudıñ eki ädisi qoldanıladı. Olar:

  1. JSN jäne qwpiya söz (parol');
  2. Jeke kuäliktegi elektrondıq cifrlıq qoltañbanıñ (ECQ) kömegi arqılı.

«BJZQ» AQ körsetiletin qızmetterdiñ sapasın arttıru, olardı barınşa jetildiru jwmıstarın twraqtı türde jürgizip keledi. Osılayşa, salımşılar men aluşılarğa ıñğaylı, zamanaui qızmetter körsetilip jatır. Tayau uaqıtta özine-özi qızmet körsetu terminalında Qor operatorımen beyne-baylanıs arqılı aqıl-keñes beru qızmeti payda boladı.

«BJZQ» AQ-tıñ bastı mindetteriniñ biri – aqparattıq-keñes beru qızmetin Qor mamandarınıñ tikeley kömeginsiz aludı qamtamasız etu üşin Qazaqstan Respublikasınıñ azamattarına, Qazaqstan Respublikasında twraqtı twratın şeteldikter men azamattığı joq adamdarğa barlıq qajetti jağdaylardı jasauğa wmtılu.

“The Qazaq Times”