ەندى سالىمشىلار مەن الۋشىلار وزىنە-ءوزى قىزمەت كورسەتۋ تەرمينالدارىن پايدالانۋ مۇمكىندىگىنە يە بولدى دەپ حابارلادى «بجزق» اق ءباسپاسوز ورتالىعى.

الماتى، قازاقستان -بىرىڭعاي جيناقتاۋشى زەينەتاقى قورى ءوزىنىڭ بارلىق 18 وڭىرلىك فيليالىندا «وزىنە-ءوزى قىزمەت كورسەتۋ تەرمينالى» جوباسىنىڭ ونەركاسىپتىك پايدالانۋعا بەرىلگەندىگىن حابارلادى. بۇل جوبا «بجزق» اق-تىڭ كورپوراتيۆتىك دامۋ ستراتەگياسى اياسىندا جۇزەگە اسىرىلدى. وسى ستراتەگياعا سايكەس، قور ءوزىنىڭ كورسەتەتىن قىزمەتتەرىنىڭ ساپاسىن ارتتىرا وتىرىپ، سالىمشىلارعا زەينەتاقى جيناقتارىن قالىپتاستىرۋعا ۇيىمدىق تۇرعىدان كومەك كورسەتەدى.

قازىر تەرمينالدا مىناداي قىزمەتتەر قولجەتىمدى:

  1. زەينەتاقى شوتتارىنىڭ بار-جوعى تۋرالى انىقتاما الۋ;
  2. جەكە زەينەتاقى شوتىنان ءۇزىندى-كوشىرمە الۋ;
  3. مىندەتتى زەينەتاقى جارنالارى بويىنشا شارت جاساسۋعا ءوتىنىش بەرۋ;
  4. جەكە دەرەكتەمەلەردى وزگەرتۋ;
  5. بەرىلگەن وتىنىشتەردىڭ ورىندالۋ مارتەبەسىن قاداعالاۋ.

بۇل قىزمەتتەردى وزىنە-ءوزى قىزمەت كورسەتۋ تەرمينالدارى ارقىلى الۋ ءۇشىن سالىمشىنى (الۋشىنى) انىقتاپ تانۋدىڭ ەكى ءادىسى قولدانىلادى. ولار:

  1. جسن جانە قۇپيا ءسوز (پارول);
  2. جەكە كۋالىكتەگى ەلەكتروندىق تسيفرلىق قولتاڭبانىڭ (ەتسق) كومەگى ارقىلى.

«بجزق» اق كورسەتىلەتىن قىزمەتتەردىڭ ساپاسىن ارتتىرۋ، ولاردى بارىنشا جەتىلدىرۋ جۇمىستارىن تۇراقتى تۇردە جۇرگىزىپ كەلەدى. وسىلايشا، سالىمشىلار مەن الۋشىلارعا ىڭعايلى، زاماناۋي قىزمەتتەر كورسەتىلىپ جاتىر. تاياۋ ۋاقىتتا وزىنە-ءوزى قىزمەت كورسەتۋ تەرمينالىندا قور وپەراتورىمەن بەينە-بايلانىس ارقىلى اقىل-كەڭەس بەرۋ قىزمەتى پايدا بولادى.

«بجزق» اق-تىڭ باستى مىندەتتەرىنىڭ ءبىرى – اقپاراتتىق-كەڭەس بەرۋ قىزمەتىن قور ماماندارىنىڭ تىكەلەي كومەگىنسىز الۋدى قامتاماسىز ەتۋ ءۇشىن قازاقستان رەسپۋبليكاسىنىڭ ازاماتتارىنا، قازاقستان رەسپۋبليكاسىندا تۇراقتى تۇراتىن شەتەلدىكتەر مەن ازاماتتىعى جوق ادامدارعا بارلىق قاجەتتى جاعدايلاردى جاساۋعا ۇمتىلۋ.

“The Qazaq Times”