QR QM Sport komiteti – Armiya ortalıq sport klubı oqu-jattıqtıru ortalığınıñ bazasında äskeri qızmetşilerdiñ balaları arasında äskeri-sporttıq oyındar boyınşa İİ Spartakiada ötti.

Eki kün boyı jas sportşılar qazaq küresi, kişi futbol, üstel tennisi, taekvondo jäne estafeta sındı sporttıñ bes türi boyınşa sınğa tüsti. Sonday-aq, is-şaralar ayasında Armiya ortalıq sport klubınıñ ataqtı sportşıları balalarğa arnap şeberlik üyirmelerin ötkizdi.

Üzdikter atanu üşin Qazaqstan Respublikası Qarulı Küşteriniñ 10 garnizonınan, atap aytsaq, Almatı, Ayagöz, Gvardeysk, Kapşağay, Priozersk, Sarıözek, Semey, Öskemen, Üşaral jäne Şımkent garnizondarınan kelgen 100 asa äskeri qızmetşilerdiñ balaları küreske tüsti.

 

Sonday-aq, şarağa qadirli qonaqtar retinde Qazaqstan Respublikası Qarulı Küşteri äskeri qızmetşilerdiñ otbası müşelerimen jwmıs wyımdastıru boyınşa bölim basşısı Jaswzaqova Gülnar Wltıbayqızı, sonımen qatar, QR QK türleri Basqolbasşıları basqarmalarınıñ, QR QK Qwrlıq äskerleri desanttıq-şabuıldau äskerleri, QR QK Äue qorğanıs küşteri äue qarsı qorğanıs äskerleriniñ  äskeri qızmetşilerdiñ otbası müşelerimen jwmıs wyımdastıru boyınşa qızmet basşıları da qatıstı.

Jarıs qorıtındıları boyınşa jalpıkomandalıq esepte jeñimpazdar kubogı Ayagöz garnizonınan kelgen jas sportşılarğa bwyırdı. Ekinşi bolıp twğırğa Sarıözek garnizonınıñ balaları köterilse, al üşinşi orınğa Gvardeysk garnizonınıñ jetkinşekteri ie boldı.

“The Qazaq Times”