قر قم سپورت كوميتەتى – ارميا ورتالىق سپورت كلۋبى وقۋ-جاتتىقتىرۋ ورتالىعىنىڭ بازاسىندا اسكەري قىزمەتشىلەردىڭ بالالارى اراسىندا اسكەري-سپورتتىق ويىندار بويىنشا ءىى سپارتاكيادا ءوتتى.

ەكى كۇن بويى جاس سپورتشىلار قازاق كۇرەسى، كىشى فۋتبول، ۇستەل تەننيسى، تاەكۆوندو جانە ەستافەتا سىندى سپورتتىڭ بەس ءتۇرى بويىنشا سىنعا ءتۇستى. سونداي-اق، ءىس-شارالار اياسىندا ارميا ورتالىق سپورت كلۋبىنىڭ اتاقتى سپورتشىلارى بالالارعا ارناپ شەبەرلىك ۇيىرمەلەرىن وتكىزدى.

ۇزدىكتەر اتانۋ ءۇشىن قازاقستان رەسپۋبليكاسى قارۋلى كۇشتەرىنىڭ 10 گارنيزونىنان، اتاپ ايتساق، الماتى، اياگوز، گۆاردەيسك، كاپشاعاي، پريوزەرسك، سارىوزەك، سەمەي، وسكەمەن، ءۇشارال جانە شىمكەنت گارنيزوندارىنان كەلگەن 100 اسا اسكەري قىزمەتشىلەردىڭ بالالارى كۇرەسكە ءتۇستى.

 

سونداي-اق، شاراعا قادىرلى قوناقتار رەتىندە قازاقستان رەسپۋبليكاسى قارۋلى كۇشتەرى اسكەري قىزمەتشىلەردىڭ وتباسى مۇشەلەرىمەن جۇمىس ۇيىمداستىرۋ بويىنشا ءبولىم باسشىسى جاسۇزاقوۆا گۇلنار ۇلتىبايقىزى، سونىمەن قاتار، قر قك تۇرلەرى باسقولباسشىلارى باسقارمالارىنىڭ، قر قك قۇرلىق اسكەرلەرى دەسانتتىق-شابۋىلداۋ اسكەرلەرى، قر قك اۋە قورعانىس كۇشتەرى اۋە قارسى قورعانىس اسكەرلەرىنىڭ  اسكەري قىزمەتشىلەردىڭ وتباسى مۇشەلەرىمەن جۇمىس ۇيىمداستىرۋ بويىنشا قىزمەت باسشىلارى دا قاتىستى.

جارىس قورىتىندىلارى بويىنشا جالپىكوماندالىق ەسەپتە جەڭىمپازدار كۋبوگى اياگوز گارنيزونىنان كەلگەن جاس سپورتشىلارعا بۇيىردى. ەكىنشى بولىپ تۇعىرعا سارىوزەك گارنيزونىنىڭ بالالارى كوتەرىلسە، ال ءۇشىنشى ورىنعا گۆاردەيسك گارنيزونىنىڭ جەتكىنشەكتەرى يە بولدى.

“The Qazaq Times”