فوتو: autopoisk24.ne

سولتۇستىك قازاقستان وبلىسى باسشىلىعى گەرمانيانىڭ «CLAAS» كونتسەرنىمەن كەلىسسوزدەر جۇرگىزۋدە. بۇل جايىندا ءوڭىر باسشىسى قۇمار اقساقالوۆ وبلىستىق اكىمدىكتىڭ وتىرىسىندا مالىمدەدى، دەپ حابارلايدى اكىمدىكتىڭ ءباسپاسوز قىزمەتى. 

«ءبىز بۇرىنعى «قازتەحماش» زاۋىتىنىڭ اۋماعىندا اۋىل شارۋاشىلىعى تەحنيكاسىن جينايتىن جاڭا كاسىپورىن اشۋدى جوسپارلاپ وتىرمىز. ءساۋىر ايىندا نەمىستىڭ «CLAAS» كومپانياسىمەن كەلىسسوزدەردى ءتامامدايمىز. ءبىزدىڭ دەلەگاتسيا گەرمانياعا باردى، ولاردىڭ وكىلدەرى بىزگە كەلدى. اۋىل شارۋاشىلىعى مينيسترىنە كىرىپ شىقتى، بارلىق ينستانتسيالار ءوتتى. ءساۋىردىڭ باسىندا تاعى كەزدەسىپ، ناقتى شەشىم شىعارامىز. بۇل كومپانيا كومباين، تراكتور جانە ەگىن سەبۋ كەشەندەرىن جينايتىن الەمدىك كوشباسشى. وتە قىزىقتى جوبا بولادى»، - دەدى قۇمار اقساقالوۆ.

سونداي-اق وڭىردە ترانسفورماتورلار شىعاراتىن زاۋىتتى سالۋ جونىندە دە ماسەلە قارالىپ جاتىر. قازىر جوبانىڭ قۇرىلتايشىلارىمەن كەلىسسوزدەر جۇرگىزىلۋدە. بۇعان قوسا، «زيكستو» زاۋىتىنىڭ اۋماعىندا جاڭا ۆاگون جيناۋ زاۋىتىن قۇرۋ جوسپاردا بار. ءوندىرىس وشاعىنىڭ قۋاتتىلىعى جىلىنا 5 مىڭ ۆاگوندى قۇراماق.

“The Qazaq Times”