Nazarbaev pen Putin Petropavlda kezdespek. Foto: rusmonitor.com.

Petropavl öñiriniñ twrğındarı "Qalağa kiru jäne şığu joldarı qos el basşıları kelgen uaqıtta tolığımen jabıladı"  degen qauesetke alañdaulı. Alayda, Qazaqstan men Resey Prezidentiniñ kezdesui eşqanday da qolaysızdıq tanıtpaydı dedi jergilikti bilik basşıları. Sonımen qatar, VIP-qonaqtar tek arnayı orındarda ğana töbe körsetetindigin tilge tiek etti. Bwl turalı sputniknews mälimdep otır.

8-şi qaraşa küni Petropavl qalasında Qazaqstan men Resey prezidentteri Nwrswltan Nazarbaev pen Vladimir Putin qatısatın  XIV öñiraralıq ıntımaqtastıq forumı ötpek. Auqımdı şaralardan qwralğan mwnday kölemdi jiın şalğayda jatqan oblıs üşin tarihi oqiğa bolatındığı belgili. Osığan baylanıstı jergilikti şeneunikter, käsipkerler jäne jurnalister men policeylerdiñ de twrğındarmen qatar qobaljıp jürgendigi jasırın emes.

Forum küni şağın qalada keptelis ornap, jwmısqa keşigip qaludan sekem alıp otırğan jwrtşılıq "qalanıñ kirip-şığu jolı jabılıp, barlıq köşeler bwğattaladı" degen jelide tarağan alıp-qaşpa äñgimelerge de qwlağın türip otırğandığı ras.

Biraq, SQO äkiminiñ orınbasarı Däuren Jandarbek twrğındardı sabırğa şaqırıp, forum ayasında köşelerdiñ barlığı birdey jabılmaytındığın habarlağan.  Tek körme men forum jäne özge de şaralar ötkiziletin Oquşılar sarayı men Tennis ortalığınıñ mañı ğana bwğattalatındığın naqtı mälimdedi. Sol sekildi, policiya departamentiniñ baspasöz qızmeti de qalağa kirer joldıñ kündelikti keste boyınşa qozğalıs jasay beretindigin eskertken. Alayda, qaladağı tärtip saqşılarınıñ sanı eselenip, tınıştıqtı küzetetinderdiñ köp bolatındığın da jasırğan joq. Bwl üşin qoğamdıq tärtip saqtau maqsatında körşi oblıstardıñ policiya qızmetkerleri de jwmıldırılmaq. Qosımşa şaqırtu alğan 200 policiya şaralar ötkiziletin orındardağı tärtipti baqılauda wstap, arnayı kölikter men kolonnalarğa avtopatrul'men ilesip jüru mindettelgen.

Esteriñizge sala keteyik, 2016 jılı däl osınday forum Petropavl qalasında ötui tiis bolğan. Bwl üşin arnayı qarjı bölinip, dayındıqta bastalıptı. Alayda, soñında şaranı Astanada ötkizu turalı şeşim qabıldanğan. Sol kezde qalanıñ infrastrukturası şın mäninde auqımdı forumdı ötkizuge dayın bolmağandığı belgili. Tipti, äuejaydıñ özi de say kelmegendigi ras. Biraq arağa eki jıl salıp, barlığın qaytadan jöndeuden ötkizgen Petropavl öñiri biıl sırttan keler qonaqtardı qarsı aluğa äbden dayın.

“The Qazaq Times”