Foto: nasa.gov

Qayda barsaq ta, qıtay ekonomikası men tehnologiyası aldımızdan şığatını jasırın emes. Büyirimizde otırğan halıq endi ğarıştan "soqqı jasamaq". Älemdik ğarış salasınıñ mamandarı, onıñ işinde qıtaylıqtardıñ özi Qıtaydıñ 2011 jıldıñ qırküyek ayında orbitağa wşırğan "Tiangong-1"  attı ğarış kemesi 30 naurız ben 3 säuir aralığında jerge qwlaydı dep habarladı.  

Osıdan eki jıl bwrın, yağni 2016 jılı Beyjiñ biligi atalğan ğarış kemesinen köz jazıp qalğanın aytıp, bwl turalı BWW-na habar bergen edi. Mamandar onıñ jerge qaray bağıt alğanın da jasırmadı. Al "Amerikalıq ğarıştıq baqılau jelisi" asa qattı jıldamdıqpen jer betine qaray qwldilay bastağan "Tiangong-1"-diñ 43 soltüstik jäne 43 oñtüstik endik arasındağı aymaqqa qwlauı mümkin ekendigin aytıp, resmi mälimdeme jasadı.

Foto: theatlantic.com

Atalğan endikterde ornalasqan elderdiñ atı äzirge köpşilikke aşıq aytılmasa da,  boljamdarın jasap ülgergen birqatar elder öz qauipsizdikteri üşin qattı alañdaulı. Degenmen, Beyjiñ biligi jer şarına qwlaytın ğarış kemesiniñ qauipti emes ekendigine sendiruge tırısıp, onıñ Tınıq mwhitqa qwlau ıqtimaldığı basım dep habarladı. Jalpı, ğarış kemesi naqtı qwlaytın jerdi tek birneşe kün bwrın anıqtau mümkin eken. Sonımen qatar, onıñ biraz böligi jerdiñ atmosfera qabatına ötkennen keyin bir-birinen ajırap, janıp ketedi dep kütilude.

8.5 tonnalıq ğarış kemesi qwlağannan keyin ondağı himiyalıq ulı zattardıñ ziyanı şaş-etekten bolmaq.

Negizi, bwdan bwrın 1979 jılı NASA, 1991 jılı Keñester Odağınıñ baqılauınan şığıp qalğan ğarış kemeleriniñ de jerge qwlağanı belgili. "Amerikalıq ğarıştıq baqılau jelisi" körsetken endikte Orta Aziya, onıñ işinde Qazaqstan öte alıs. Degenmen, qay el, qay jerdegi halıq bolsın, bärinen apat aulaq bolğay!

“The Qazaq Times”