Foto: Sputnik Kazahstan

25 naurızdan bastap «Eyr Astana» 27 qazanğa deyin qoldanılatın wşulardıñ jazğı kestesine köşedi. Osı mezgilde Astana jäne Almatı qalalarınan reyster jiiligi wlğayadı jäne jaña reyster aşıladı. Bwl turalı äue kompaniyanıñ baspasöz qızmeti habarladı. 

Äuekompaniya wşaqtarı Astanadan Londonğa, Kievke, Ombığa jäne Ürimşige kün sayın qatınaydı. Mäskeuge reyster sanı aptasına 12-ge, Sankt-Peterburgqa 9-ğa, Beyjiñ men Bişkekke 5-ke, Deli men Tbilisige 4-ke deyin ösedi. Almatıdan Beyjiñge men Tbilisige reyster kündelikti boladı, Mäskeuge aptasına reyster sanı 16, Sankt-Peterburgqa 10, Kiev pen Bişkekke 9, Duşanbege 5, Bakuğa 4, Gonkongqa 3 reys qwraydı.

26 naurızdan äuekompaniya Atıraudan Frankfurtqa aptasına 2 ret orındalatın jaña reys aşadı. 2 mausımda Astanadan Tümenge aptasına 3 ret jiiligimen äuebaylanıstı ornatpaq. 3 mausımda Astanadan Qazanğa aptalıq reys orındaladı, qırküyekten bastap aptasına 3  reys boladı.

Jazğı mausımda «Eyr Astana» älemniñ 21 eline, sonıñ işinde TMD-nıñ  5 eline (Resey, Äzerbayjan, Täjikstan, Qırğızstan, Özbekstan) jäne Ukraina men Gruziyağa reysterdi orındaudı jalğastıradı.

TMD elderine jäne Gruziya men Ukrainağa bağıttıq jeli 13 qalanı qamtidı: Mäskeu,  Sankt-Peterburg, Qazan, Ombı, Ekaterinburg, Novosibirsk, Tümen, Kiev, Baku, Tbilisi, Taşkent, Bişkek jäne Duşanbe.

İşki reyster Qazaqstannıñ 12 qalasın qamtidı: Almatı, Astana, Aqtau, Atırau, Aqtöbe, Oral, Şımkent, Qızılorda, Öskemen, Pavlodar, Qostanay, Qarağandı.

2018 jılı «Sathay Pacific» gonkongtik äuekompaniyasımen jäne LOT polyak äuekompanisımen jasalğan kodşeringtik kelisim arqasında «Eyr Astananıñ» tranzittik jolauşılar auqımdı bağıttıq jelini paydalana aladı.

Sonday-aq Lufthansa, Air France/KLM, Hong Kong Airlines, Air India, Asiana Airlines, Bangkok Airways, Etihad Airways, Turkish Airlines äuekompaniyalarımen qoldanıstağı kodşeringtik kelisimder jäne 25 interlayn kelisimder jolauşılarğa 400 astam şetel qalalarına tüyisuler men tarifterdi qoljetimdi etedi.

“The Qazaq Times”