فوتو: Sputnik كازاحستان

25 ناۋرىزدان باستاپ «ەير استانا» 27 قازانعا دەيىن قولدانىلاتىن ۇشۋلاردىڭ جازعى كەستەسىنە كوشەدى. وسى مەزگىلدە استانا جانە الماتى قالالارىنان رەيستەر جيىلىگى ۇلعايادى جانە جاڭا رەيستەر اشىلادى. بۇل تۋرالى اۋە كومپانيانىڭ ءباسپاسوز قىزمەتى حابارلادى. 

اۋەكومپانيا ۇشاقتارى استانادان لوندونعا، كيەۆكە، ومبىعا جانە ۇرىمشىگە كۇن سايىن قاتىنايدى. ماسكەۋگە رەيستەر سانى اپتاسىنا 12-گە، سانكت-پەتەربۋرگقا 9-عا، بەيجىڭ مەن بىشكەككە 5-كە، دەلي مەن تبيليسيگە 4-كە دەيىن وسەدى. الماتىدان بەيجىڭگە مەن تبيليسيگە رەيستەر كۇندەلىكتى بولادى، ماسكەۋگە اپتاسىنا رەيستەر سانى 16, سانكت-پەتەربۋرگقا 10, كيەۆ پەن بىشكەككە 9, دۋشانبەگە 5, باكۋعا 4, گونكونگقا 3 رەيس قۇرايدى.

26 ناۋرىزدان اۋەكومپانيا اتىراۋدان فرانكفۋرتقا اپتاسىنا 2 رەت ورىندالاتىن جاڭا رەيس اشادى. 2 ماۋسىمدا استانادان تۇمەنگە اپتاسىنا 3 رەت جيىلىگىمەن اۋەبايلانىستى ورناتپاق. 3 ماۋسىمدا استانادان قازانعا اپتالىق رەيس ورىندالادى، قىركۇيەكتەن باستاپ اپتاسىنا 3  رەيس بولادى.

جازعى ماۋسىمدا «ەير استانا» الەمنىڭ 21 ەلىنە، سونىڭ ىشىندە تمد-نىڭ  5 ەلىنە (رەسەي، ازەربايجان، تاجىكستان، قىرعىزستان، وزبەكستان) جانە ۋكراينا مەن گرۋزياعا رەيستەردى ورىنداۋدى جالعاستىرادى.

تمد ەلدەرىنە جانە گرۋزيا مەن ۋكرايناعا باعىتتىق جەلى 13 قالانى قامتيدى: ماسكەۋ،  سانكت-پەتەربۋرگ، قازان، ومبى، ەكاتەرينبۋرگ، نوۆوسيبيرسك، تۇمەن، كيەۆ، باكۋ، تبيليسي، تاشكەنت، بىشكەك جانە دۋشانبە.

ىشكى رەيستەر قازاقستاننىڭ 12 قالاسىن قامتيدى: الماتى، استانا، اقتاۋ، اتىراۋ، اقتوبە، ورال، شىمكەنت، قىزىلوردا، وسكەمەن، پاۆلودار، قوستاناي، قاراعاندى.

2018 جىلى «سathay Pacific» گونكونگتىك اۋەكومپانياسىمەن جانە LOT پولياك اۋەكومپانيسىمەن جاسالعان كودشەرينگتىك كەلىسىم ارقاسىندا «ەير استانانىڭ» ترانزيتتىك جولاۋشىلار اۋقىمدى باعىتتىق جەلىنى پايدالانا الادى.

سونداي-اق Lufthansa, Air France/KLM, Hong Kong Airlines, Air India, Asiana Airlines, Bangkok Airways, Etihad Airways, Turkish Airlines اۋەكومپانيالارىمەن قولدانىستاعى كودشەرينگتىك كەلىسىمدەر جانە 25 ينتەرلاين كەلىسىمدەر جولاۋشىلارعا 400 استام شەتەل قالالارىنا تۇيىسۋلەر مەن تاريفتەردى قولجەتىمدى ەتەدى.

“The Qazaq Times”