"اعا" نەمەسە "تاتە" دەپ جۇمىسقا تۇراتىن ۋاقىت الدەقاشان ءوتىپ كەتكەن. بۇل تۋرالى قر ەڭبەك جانە الەۋمەتتىك قورعاۋ ۆيتسە-ءمينيسترى سۆەتلانا جاقىپوۆا مالىمدەدى.
"كوپشىلىگى جۇمىسقا تۇرۋ ورىندارى جوق نەمەسە ء"بىر قوڭىراۋمەن" جۇمىسقا تۇرعىزاتىن "اعا-تاتەڭ" بولۋ كەرەك دەگەندى العا تارتادى. بۇل ۋاقىت الدەقاشان ءوتىپ كەتكەن، ءبىز ەلەكتروندى ەڭبەك بيرجاسىن قۇردىق. وندا 65 مىڭ تۇيىندەمە مەن 19 مىڭ ۆاكانتسيا ورنالاستىرىلعان. بۇل ۇلكەن باسەكەلەستىكتى كورسەتىپ وتىر", - دەدى جاقىپوۆا.
ۆيتسە-ءمينيستردىڭ سوزىنشە، جۇمىسقا تۇرۋ ۇشىن قىزمەت كورسەتۋدىڭ بەلسەندى فورماسىنا كوشۋ قاجەت.
"بۇل دەگەنىڭىز ادام، جۇمىسپەن قامتۋ ورتالىعىنا بارۋ كەرەك. ال ءبىز وعان كەلىپ: ء"سىز از قامتىلعان وتباسىسىز، وتباسىندا وتاعاسى جۇمىسپەن قامتىلماعان، تولىق ءبىلىم الماعان كامەلەتتىك جاسقا تولعان بالا بار. ءبىز وتاعاسىنىڭ جۇمىسقا تۇرۋىنا، بالاڭىزدىڭ كەلەسى ەڭبەك تۇرلەرى بويىنشا ءبىلىم الۋىنا مۇمكىندىك بەرەتىن الەۋمەتتىك كەلىسىم جاسايىق. بۇدان بولەك ءسىزدى جاردەماقىمەن دە قامتاماسىز ەتەمىز" دەپ ايتامىز. مىنە، بۇل ستاندارت", - دەدى ول.
ايتا كەتەيىك، ستاتيستيكا كوميتەتىنىڭ مالىمەتى بويىنشا 2017 جىلدىڭ 4 توقسانىندا قازاقستاندا تىركەلگەن جۇمىسسىزداردىڭ سانى 439,3 مىڭ ادامدى قۇرادى جانە كورسەتكىش 4,9 پايىزعا جەتتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى