Foto: Azattıq radiosı

QR Wlttıq banki altın valyuta qorı boyınşa altın kölemin köbeytu jwmıstarın jalğastıruda. 

Düniejüzilik altın keñesiniñ mälimeti boyınşa, 2018 jılğı 1 naurızda Qazaqstannıñ altın valyuta qorındağı qımbat metal qorı 303 tonnanı qwradı (1 aqpanda 301 tonna) nemese halıqaralıq rezervtiñ 41,3%-ınan asadı.

Al 2017 jıldıñ jeltoqsan ayında eldegi altın kölemi 291,9 tonnanı nemese halıqaralıq rezervtiñ 37,5%-ın qwrağan. 2016 jıldıñ qorıtındısı boyınşa Wlttıq bankte  258,1 tonna altın (halıqaralıq rezervtiñ 27,1%-ı) bolğan.

Osılayşa eseptik kezeñde Qazaqstan bağalı metall qorı boyınşa 100 eldiñ işinde 18 orında twr. Bwdan bwrın 21 orında bolğan.

Eseptik kezeñ bastalğalı beri altın qorı eñ köp el retinde AQŞ birinşi orında twr (8133,5 tonna). Resey 1857,7 tonna altın qorımen 6 orında. Al Qıtaydıñ altın qorı  1842,6 tonna jäne eldiñ halıqaralıq rezerviniñ tek 2,4%-ın ğana qwraydı.

Ayta keteyik, bwdan bwrın QR Wlttıq bankiniñ törağası Daniyar Aqışev Qazaqstan altın qorı eñ köp 15 eldiñ qatarına kiruge nietti ekenin mälimdegen.

“The Qazaq Times”