Foto: Kapital.kz

Wlttıq bank altın qorın köbeytudi jalğastıra beredi. Bank törağası Daniyar Aqışevtıñ sözinşe, bas bank işki narıqta altındı satıp alu qwqığınan bas tartpay, rezervterdi toltıratın boladı.  

"Biz özimizdiñ narıqtağı tazartılğan altındardı satıp ala beremiz. Men otandıq öndiruşilerdiñ ambiciyasın bilemin. Mäsele metaldı öndiru jäne qayta öñdeude bolıp otır. Onıñ üstine biz altın öndiretin wyımdarğa, yağni altındardı tazartatın kompaniyalarğa avans berudi bastadıq. Osılayşa biz özi isimizdi jalğasıra beremiz", - dedi bankir.

Aqışevtiñ sözinşe, Wlttıq banktiñ portfelinde 260 tonna altın bar.

"Eger jwmıs qarqını saqtalsa, aldağı on jıl işinde biz altın qorı eñ köp 15 eldiñ qatarına kiruimiz mümkin", - deydi Wlttıq bank törağası.

Ayta keteyik, osığan deyin World Gold Council  2017 jıldıñ 1 mamırında Wlttıq banktegi altın valyutalı rezervtiñ qorı 267,7 tonna bolğanı turalı aqparat jariyalağan. Eldiñ halıqaralıq rezerv qwrılımındağı ülesi - 35,7% jäne qor kölemi boyınşa 21 orında. Al 2016 jılı 254,7 tonna altın bolğan.

“The Qazaq Times”