Qazaqstannan özge memleketterge 172,8 milliard teñge audarılğan.

Ranking.kz saytınıñ mälimetine qarağanda, körsetilgen soma qañtar men säuir aralığında audarılğan. Audarımdardıñ eñ köp soması Reseyge tiesili. Sonımen qatar, qarjınıñ üşten eki böligi Resey, Özbekstan jäne Türkiyağa audarılğan. Qarjınıñ basım böligi «Zolotaya Korona» halıqaralıq aqşa audarımdar jüyesi arqılı jüzege asırılğan.

Biılğı körsetkiş 2018 jılmen salıstırğanda 8,6%-ğa artıq. Soltüstiktegi körşi elge 65 milliard teñge jöneltilgen. Ekinşi orında – Özbekstan. Bwl memleketke Qazaqstannan 26 milliard 500 million teñge audarılğan. Ötken jılmen salıstırğanda 36,2%-ğa joğarı. Üşinşi bolıp tizimde twrğan Türkiyağa 25,8 millird teñge audarılğan.

Al altın qorına toqtalıp öter bolsaq, 2019 jıldıñ alğaşqı toqsanında Qazaqstannıñ jalpı halıqaralıq qorı 13,6%-ğa azayğan. Wlttıq bank ökilderiniñ aytuınşa, qordıñ kemuine korrespondenttik esepşottağı şet el valyutasınıñ azayuı äser etti. Oğan qosa ükimettiñ sırtqı qarızdarın öteu sındı mindetterdi orındau sebep bolğan. Degenmen, alğaşqı tört ayda halıqaralıq qordağı altınnıñ ülesi bwrınğımen salıstırğanda birşama artqan.

Ayta keteyik, jaqında Wlttıq bank belgilegen resmi bağam boyınşa, bir AQŞ dolları 384 teñge 02 tiınğa teñ. Şeteldik valyutanı ayırbastau bölimşelerinde 384-385 teñgege satıp aluğa boladı.

"The Qazaq Times"