QR prezidenti Nwrswltan Nazarbaev. Foto: Sputnik Kazahstan

QR prezidenti Nwrswltan Nazarbaev Ortalıq Aziya elderiniñ basşılarımen iskerlik kezdesu bastalmay twrıp, Özbekstan, Qırğızstan, Täjikstan prezidentterimen jäne Türkimenstannıñ mäjilis törağasımen eki jaqtı kelissöz jürgizdi.

"Qazaqstanğa qoş keldiñizder(...). Soñğı kezdesuimizden keyin barlıq mäseleler şeşilude, bizde "Jol kartası bar", sauda jaqsarıp keledi. Bolaşaqta da bäri jaqsı boladı dep oylaymız", - dedi Nazarbaev Qırğızstan prezidenti Sooranbay Jeenbekovpen kezdesu kezinde.

Prezidenttiñ sözinşe, bügin bes eldiñ basşıları tügel kezdesip, işki mäselelerdi talqılaytın boladı.

"Olar ekonomika, infraqwrılım, logistika jäne basqa da mäseleler. Mwnıñ bärin şeşuge bizdiñ mümkindigimiz boladı. Ortalıq Aziyadağı mäselelerdi şeşu üşin biz üşinşi taraptı şaqırmaymız. Biz öz halqımız üşin jağday jasap, öz mäselelerimizdi şeşu üşin kezdesip otırmız. Basqa maqsatımız joq", - dedi prezident.

Sonday-aq, QR prezidenti Özbekstan basşısı Şavkat Mirzieevpen de kezdesti.

"Jıl işinde ülken jwmıs atqardıq. Körşilermen qarım-qatınastı rettedik, ondağan jıl boyı şeşilmegen mäselelerdi şeştik. Tipti köñil-küy de özgerdi", - dedi ol.

Ayta keteyik, bügin Astana qalasında Ortalıq Aziya elderi basşılarınıñ sammiti bastaladı. Bwl bas qosuğa Nwrswltan Nazarbaev pen Şavkat Mirzieev bastamaşı boldı.

“The Qazaq Times”