Foto: gov4c.kz

Endi qazaqstandıqtar jürgizuşi kuäligin elektrondıq ükimet portalında auıstıra aladı. Bwl qızmet Astana, Almatı qalaları men oblıs ortalıqtarınıñ  twrğındarına wsınıladı. Bwl turalı "Azamattarğa arnalğan ükimet" memlekettik korporaciyası"-nıñ resmi saytında habarlandı.

Jürgizuşi kuäligin onlayn tärtipte auıstıru üşin elektrondıq-cifrlıq qoltañba (ECQ) qajet. Qızmet aluşı egov.kz portalında avtorizaciyadan ötkennen keyin elektrondıq ötinişti toltırıp, ECQ-men qol qoyuı tiis. Ötinişpen qosa fotosuret pen qoyğan qolınıñ skan-suretin de joldap, sonday-aq memlekettik baj salığın töleu kerek. Ayta keteyik, jürgizuşi kuäliginiñ baj salığı 1,25 AEK (3007 teñge) qwraydı.

Qızmetti onlayn tärtipte räsimdegennen keyin jeke kabinettegi «Qızmetterdi alu tarihı» böliminen  toltırılğan elektrondıq ötinişti jäne «Qızmetterdi töleu tarihı» böliminen memlekettik baj salığın töleu turalı elektrondıq çekti basıp şığaru kerek.

Sosın dayın qwjattı alıp ketu üşin twrğılıqtı jerde ornalasqan mamandandırılğan HQO-ğa nemese jol policiyasınıñ tirkeu-emtihan bölinisterine bara beruge boladı.

Öziñizben birge qağazğa basıp şığarılğan ötiniş pen çekti, auıstıratın jürgizuşi kuäligin, jeke basıñızdı kuälandıratın qwjat, psihiatrlıq jäne narkologiyalıq dispanserden anıqtama, 083-nısandağı medicinalıq anıqtamanı aparu qajet.

“The Qazaq Times”