Tauan Sabina Hadjımukankızı, Medeu audandıq HQKO basşısı

Endi üşinşi twlğalardıñ anıqtama aluı yağni meken-jay anıqtaması, sottalğandığı nemese sottalmağandığı jönindegi anıqtama, jıljımaytın müliktiñ bolmauı (boluı) turalı, jıljımaytın mülikke tirkelgen qwqıqtar (auırtpalıqtardı) jäne onıñ tehnikalıq sipattamaları turalı anıqtamalardı alu mobil'di azamattar üşin qol jetimdi bolmaq.

Halıqqa Qızmet Körsetu ortalıqtarına  kündelikti  anıqtamalar alu maqsatımen köptegen azamattar jüginedi. Qarapayım elektrondıq anıqtamalar jii jwmıs orındarı men oqu orındarı, yağni, bilim mekemeleri men är türli wyımdardan swraladı. Öz kezeginde bwl ortalıqtardağı qızmet aluşılardıñ sanın da arttıradı. Osı tuındağan mäseleni şeşudi közdeytin, üşinşi twlğalarğa anıqtamalar beru qızmeti «Azamattarğa arnalğan ükimet» memlekettik korporaciyası men wyımdar arasındağı qarım-qatınastı jeñildetuge bağıttalğan. Wyımdardıñ  elektrondı-cifrlıq qoltañbasımen  elektrondıq portal arqılı azamattarğa swranıs SMS türinde jiberiledi, eger qarsılığı bolmasa, onı SMS arqılı qayta rastaydı. Jauabı kelgen soñ anıqtamanı alu mümkin. Bwl qızmet türi boyınşa joğarda atalğan 4 türli anıqtamanı aluğa boladı.  Mobil'di azamattar bazasında tirkelu  qızmetti oñtaylandıratındığın da atap ötu kerek.

“The Qazaq Times”