ەندى جۇرگىزۋشى كۋالىگىن ونلاين اۋىستىرۋعا بولادى

ەندى قازاقستاندىقتار جۇرگىزۋشى كۋالىگىن ەلەكتروندىق ۇكىمەت پورتالىندا اۋىستىرا الادى. بۇل قىزمەت استانا، الماتى قالالارى مەن وبلىس ورتالىقتارىنىڭ  تۇرعىندارىنا ۇسىنىلادى. بۇل تۋرالى "ازاماتتارعا ارنالعان ۇكىمەت" مەملەكەتتىك كورپوراتسياسى"-نىڭ رەسمي سايتىندا حابارلاندى.

جۇرگىزۋشى كۋالىگىن ونلاين تارتىپتە اۋىستىرۋ ءۇشىن ەلەكتروندىق-تسيفرلىق قولتاڭبا (ەتسق) قاجەت. قىزمەت الۋشى ەgov.kz پورتالىندا اۆتوريزاتسيادان وتكەننەن كەيىن ەلەكتروندىق ءوتىنىشتى تولتىرىپ، ەتسق-مەن قول قويۋى ءتيىس. وتىنىشپەن قوسا فوتوسۋرەت پەن قويعان قولىنىڭ سكان-سۋرەتىن دە جولداپ، سونداي-اق مەملەكەتتىك باج سالىعىن تولەۋ كەرەك. ايتا كەتەيىك، جۇرگىزۋشى كۋالىگىنىڭ باج سالىعى 1,25 اەك (3007 تەڭگە) قۇرايدى.

قىزمەتتى ونلاين تارتىپتە راسىمدەگەننەن كەيىن جەكە كابينەتتەگى «قىزمەتتەردى الۋ تاريحى» بولىمىنەن  تولتىرىلعان ەلەكتروندىق ءوتىنىشتى جانە «قىزمەتتەردى تولەۋ تاريحى» بولىمىنەن مەملەكەتتىك باج سالىعىن تولەۋ تۋرالى ەلەكتروندىق چەكتى باسىپ شىعارۋ كەرەك.

سوسىن دايىن قۇجاتتى الىپ كەتۋ ءۇشىن تۇرعىلىقتى جەردە ورنالاسقان مامانداندىرىلعان حقو-عا نەمەسە جول پوليتسياسىنىڭ تىركەۋ-ەمتيحان بولىنىستەرىنە بارا بەرۋگە بولادى.

وزىڭىزبەن بىرگە قاعازعا باسىپ شىعارىلعان ءوتىنىش پەن چەكتى، اۋىستىراتىن جۇرگىزۋشى كۋالىگىن، جەكە باسىڭىزدى كۋالاندىراتىن قۇجات، پسيحياترلىق جانە ناركولوگيالىق ديسپانسەردەن انىقتاما، 083-نىسانداعى مەديتسينالىق انىقتامانى اپارۋ قاجەت.

“The Qazaq Times”