Foto: shell.lv

Britan-niderlandıq Shell kompaniyası "QazMwnayGaz" wlttıq kompaniyası 2019 jılı  IPO-ğa şıqqanğa deyin onıñ ülesin satıp alu mümkindigin qarastırıp jatır. Bwl turalı Bloomberg agenttigi habarlağan. 

Amerikalıq BAQ mälimetinşe, 2019 jılğa josparlanıp otırğan İRO-ğa şıqpas bwrın öziniñ bağasın arttıru maqsatında Shell kompaniyasına QMG öz ülesin wsınğan. Shell wsınıstı qarauğa kelisim bergen.

Basılım mälimetinşe, QMG men "Samwrıq-Qazına" wlttıq äl-auqat qorı bwl habarğa qatıstı aqparat beruden bas tartqan. Al Shell kompaniyası bolsa portfel' qwru boyınşa mümkindikterdi qarastırıp jatqanın, alayda kommerciyalıq qwpiya bolğandıqtan portfel'di basqaru qızmeti boyınşa tüsinikteme berilmeytinin mälimdegen.

Shell – energetikalıq jäne mwnay-himiya kompaniyaların biriktiretin halıqaralıq koncern, ştab-päteri Niderland, Gaaga qalasında ornalasqan. Qazirgi uaqıtta Shell Qazaqstannıñ ekonomikasına investiciya salatın eñ iri şetel investorlarınıñ biri. Shell koncerni tört jobağa qatısadı. Bwl – Soltüstik Kaspiy boyınşa önimdi bölu turalı kelisim (qatısu ülesi 16.81%), Kaspiy teñiziniñ qazaqstandıq sektorındağı «Jemçujina» licenziyalıq uçaskesin igeru boyınşa bölu turalı kelisim (qatısu ülesi 55%), Qaraşığanaq ken ornı önimin bölu turalı naqtı kelisim («Bi Dji Grupp» arqılı qatısu ülesi 29.25%) jäne qazaqstandıq mwnaydı älemdik narıqtarğa jetkizetin Kaspiy Qwbır Konsorciumı (qatısu ülesi 7.4%).

"QazMwnayGaz" - Qazaqstannıñ mwnay-gaz salasında memleket müddesin bildiretin, kömirsutekti barlau, öndiru, öñdeu jäne tasımaldau jönindegi operator. Kompaniya akciyasınıñ 90 payızı "Samwrıq-Qazına" qorına, 10 payızı Wlttıq bankke tiesili.

“The Qazaq Times”