Foto: hcsbk.kz

Bügin QR prezidenti Nwrswltan Nazarbaevtıñ qatısuımen parlament palatalarınıñ birlesken jiını ötti. Jiın kezinde prezident bastı bes äleumettik bastama turalı ayttı. Bastamalar leginde twrğın üy mäselesi qozğaldı.

Prezidenttiñ sözinşe, elimizde jıldıq 7 payızben üy satıp aluğa mümkindik beretin bağdarlama iske qosıladı. Bağdarlamanıñ atı "7-20-25" dep ataladı. YAğni prezidenttiñ wsınısı boyınşa ipotekalıq bağdarlama boyınşa sıyaqı mölşerlemesi qazirgidey 14-15 payız emes, 7 payızdı qwraydı. Üydi alu üşin alınatın bastapqı jarna - 20 payız. Ipotekanı 25 jılda tölep bitiruge boladı.

Osılayşa prezident ipotekağa qoljetimdi bolu üşin  ükimet pen Wlttıq  bankke barlıq alğışarttarın qarastırudı tapsırdı.

"Biz azamattarımızdıñ twrğın üy satıp alu mümkindigin arttıru üşin soñğı jıldarı köp is atqardıq. Ötken jılı 11,2 mln şarşı metr twrğın üy salındı. Bwl bwdan bwrın biz qol jetkizip körmegen rekordtı körsetkiş. Alayda bwl da jetkiliksiz. Äli künge jeke üy jayı bar otbasılar az emes", - dedi prezident.

Bwdan bwrın Nwrswltan Nazaraev twrğın üy aluğa mümkindik beretin "Nwrlı jer" bağdarlaması qolğa alınatının mälimdegen edi. Bağdarlama 2016 jıldıñ jeltoqsanınan bastap iske qosıldı.

“The Qazaq Times”