فوتو: hcsbk.kz

بۇگىن قر پرەزيدەنتى نۇرسۇلتان نازارباەۆتىڭ قاتىسۋىمەن پارلامەنت پالاتالارىنىڭ بىرلەسكەن جيىنى ءوتتى. جيىن كەزىندە پرەزيدەنت باستى بەس الەۋمەتتىك باستاما تۋرالى ايتتى. باستامالار لەگىندە تۇرعىن ءۇي ماسەلەسى قوزعالدى.

پرەزيدەنتتىڭ سوزىنشە، ەلىمىزدە جىلدىق 7 پايىزبەن ءۇي ساتىپ الۋعا مۇمكىندىك بەرەتىن باعدارلاما ىسكە قوسىلادى. باعدارلامانىڭ اتى "7-20-25" دەپ اتالادى. ياعني پرەزيدەنتتىڭ ۇسىنىسى بويىنشا يپوتەكالىق باعدارلاما بويىنشا سىياقى مولشەرلەمەسى قازىرگىدەي 14-15 پايىز ەمەس، 7 پايىزدى قۇرايدى. ءۇيدى الۋ ءۇشىن الىناتىن باستاپقى جارنا - 20 پايىز. يپوتەكانى 25 جىلدا تولەپ بىتىرۋگە بولادى.

وسىلايشا پرەزيدەنت يپوتەكاعا قولجەتىمدى بولۋ ءۇشىن  ۇكىمەت پەن ۇلتتىق  بانككە بارلىق العىشارتتارىن قاراستىرۋدى تاپسىردى.

ء"بىز ازاماتتارىمىزدىڭ تۇرعىن ءۇي ساتىپ الۋ مۇمكىندىگىن ارتتىرۋ ءۇشىن سوڭعى جىلدارى كوپ ءىس اتقاردىق. وتكەن جىلى 11,2 ملن شارشى مەتر تۇرعىن ءۇي سالىندى. بۇل بۇدان بۇرىن ءبىز قول جەتكىزىپ كورمەگەن رەكوردتى كورسەتكىش. الايدا بۇل دا جەتكىلىكسىز. ءالى كۇنگە جەكە ءۇي جايى بار وتباسىلار از ەمەس", - دەدى پرەزيدەنت.

بۇدان بۇرىن نۇرسۇلتان نازاراەۆ تۇرعىن ءۇي الۋعا مۇمكىندىك بەرەتىن "نۇرلى جەر" باعدارلاماسى قولعا الىناتىنىن مالىمدەگەن ەدى. باعدارلاما 2016 جىلدىڭ جەلتوقسانىنان باستاپ ىسكە قوسىلدى.

“The Qazaq Times”