"The National" attı ağılşın basılımınıñ habarlauınşa, arab tilinde habar taratatın, älemniñ eñ tanımal mediatoptarınıñ biri Em-Bi-Si özine qarastı telearnalardıñ barlığına türik serialdarın körsetuge tıyım saldı.

Atalğan mediaortalıqtıñ qaramağında 11 telearna jwmıs isteydi jäne olardıñ barlığı da büginge deyin öz körermenderine türiktiñ türli telekihayaların jüyeli türde wsınıp kelgen.

Atalğan basılımnıñ jazuınşa "ayaq-astınan" şığarılğan bwl şeşimniñ naqtı sebebi eş jerde aşıp aytılmağan.

Al Em-Bi-Si media tobınıñ baspasöz hatşısı Mazen Hayek osı şeşimniñ dwrıstığın rastap: "Em-Bi-Si" media obınan bölek, birqatar Arab elderinde bwdan bılay türik serialdarınıñ körsetiluine tıyım saldıq. Biz bwl şeşimdi äbden oylanıp, 2 naurız küni qabıldadıq", - dep mälimdeme jasağan. Alayda nelikten türik halqınıñ serialdarınan bas tartıp otırğanı turalı tis jarmadı.

Ol bir sözinde "Türkiya teleönimderinen bas tartuımızdıñ astarında Arab serialdarın sapalı etip wsınudıñ tıñ ädisi bar", - dep, negizgi oyın da jasırmadı.

Osı orayda, telejäşik arqılı ündi, käris jäne türik wlttarınıñ telehikayalarına telmirip, olardıñ keyipkerlerinen öz qaharmandarın jasap jürgen körermenderimizdi sol kereğar üderisten qwtqarudıñ osı bir tıñ ädisin biz de özimizge ülgi etsek qwba-qwp bolar edi...

“The Qazaq Times”