foto: euronews.com

Oqqa wşıp qaytıs bolğan slovakiyalıq jurnalist YAn Kuçak (Ján Kuciak) ötken jıldan beri qaytıs bolğan altınşı jäne osı jıldıñ birinşi jurnalisi, dep mälimdedi Euronews aqparat agenttigi.

2017 jıldıñ qazan ayında mal'talıq jurnalist Dafna Karuana Galiziyanıñ (Daphne Caruana Galizia) adam ayausız täsilmen öltirilui batıs Europanı dür silkindirdi.

Ol Jerorta teñizindegi araldağı jemqorlıqqa qatıstı birneşe istiñ coñına tüsip, dälelder izdep jürgende onıñ köligine belgisiz bireuler jarılğış zat salıp ketken. Galiziyanıñ ölimine keminde 3 adam küdikti dep tanılğan, sot isi äli jalğasıp jatır.

YAn Kuçak ta jwmısınıñ sipatınıñ kesirinen oqqa wştı degen boljam bar. Ol da Galiziya siyaqtı öz üyinde öltirilgen.

2017 jıldan beri qaytıs bolğan  6 jurnalist:

YAn Kuçak

foto: euronews.com

27 jastağı jurnalist jemqorlıq jäne salıqtan jaltaruğa qatıstı maqalalar jazatın. Onı qızımen birge Bratislavanıñ janındağı Velk Makadağı (Velka Maca) öziniñ üyinde 2018 jıldıñ 25 aqpanında atıp ketken.

Dafne Karuana Galiziya

foto: euronews.com

Dafne Mal'tadağı jemqorlıq pen aqşanı jılıstatuğa qatıstı mäselelerdi qozğaytın. Sonımen qatar "Panama qwjattarına" negizdelgen birneşe maqala jariyaladı.

Ol 2017 jıldıñ 16 qazanında alıstan basqarılatın jarılğış zattıñ iske qosıluınan köz jwmdı. Jarılğış zat  üyiniñ janında twrğan kölikke salınğan. Mal'ta policeyleri osı iske qatısı bar degen küdikpen 10 adamdı qamauğa aldı.

Kim Voll (Kim Wall)

foto: euronews.com

30 jastağı şved jurnalisi Kimniñ ölimi sayasi sebepterge baylanıstı emes. 2017 jıldıñ 10 tamızında Kim iz-tüssiz joğalıp ketken. Ol kezde Kim daniyalıq Piter Medson salğan azamattıq suastı kemesiniñ balaması turalı esep dayındap jürgen. Onıñ denesi 12 kün ötkennen keyin teñizden tabılğan. Kim ölimine qatıstı Medsonğa ayıp tağılıp, säuir ayında resmi ükim şığarılu kerek.

Dmitriy Popkov

foto: euronews.com

Dmitriy öziniñ  "Ton-M" gazetinde  Reseydegi jemqorlıq pen bilikti asıra paydalanuğa qatıstı maqalalar jariyalaytın. Sonımen qatar "Birikken Resey" partiyasın bileuşilerdi sınğa alğan. 2017 jıldıñ 24 mamırında onı 5 ret atıp, denesin Siberiyanıñ Minusinsk qalasındağı sayabaqqa tastap ketken. Onıñ ölimine qatıstı jergilikti bilik ökilderiniñ qozğağan isi äli eşqanday nätije bermedi.

Said Karimian (Saeed Karimian)

foto: euronews.com

45 jastağı irandıq telejürgizuşi kuveyttıq dosımen birge 2017 jıldıñ 19 säuirinde Stambwlda birneşe qarulı azamat qolınan qaza taptı.

Onıñ bağdarlaması batıs jañalıqtarın farsi tilinde wsınatın. Karimiandı Tehranda "Iranğa qarsı ügit-nasihat jürgizgeni" üşin ayıptağan bolatın. Türkiya policeyleri Saidtıñ ölimine qatıstı is qozğadı.

Nikolay Andruçenko

foto: euronews.com

Nikolay Andruçenok 2017 jıldıñ 19 säuirinde Reseyde 73 jasında qaytıs boldı. Tura 6 apta bwrın onı bir top er adam qattı wrıp ketken bolatın. Peterbor onı wrıp ketken adamdardı izdegenimen, eşkimdi taba almadı. Andruçenok "Jaña Peterbor" gazetiniñ negizin qalauşılardıñ biri jäne jergilikti jañalıqtar, qılmıs jäne adam qwqıqtarı salalarına mamandanğan jurnalist bolatın.

“The Qazaq Times”