وققا ۇشىپ قايتىس بولعان سلوۆاكيالىق جۋرناليست يان كۋچاك (Ján Kuciak) وتكەن جىلدان بەرى قايتىس بولعان التىنشى جانە وسى جىلدىڭ ءبىرىنشى ءجۋرناليسى، دەپ مالىمدەدى Euronews اقپارات اگەنتتىگى.
2017 جىلدىڭ قازان ايىندا مالتالىق جۋرناليست دافنا كارۋانا گاليزيانىڭ (Daphne Caruana Galizia) ادام اياۋسىز تاسىلمەن ءولتىرىلۋى باتىس ەۋروپانى ءدۇر سىلكىندىردى.
ول جەرورتا تەڭىزىندەگى ارالداعى جەمقورلىققا قاتىستى بىرنەشە ءىستىڭ cوڭىنا ءتۇسىپ، دالەلدەر ىزدەپ جۇرگەندە ونىڭ كولىگىنە بەلگىسىز بىرەۋلەر جارىلعىش زات سالىپ كەتكەن. گاليزيانىڭ ولىمىنە كەمىندە 3 ادام كۇدىكتى دەپ تانىلعان، سوت ءىسى ءالى جالعاسىپ جاتىر.
يان كۋچاك تا جۇمىسىنىڭ سيپاتىنىڭ كەسىرىنەن وققا ۇشتى دەگەن بولجام بار. ول دا گاليزيا سياقتى ءوز ۇيىندە ولتىرىلگەن.
2017 جىلدان بەرى قايتىس بولعان 6 جۋرناليست:
يان كۋچاك
فوتو: euronews.com
27 جاستاعى جۋرناليست جەمقورلىق جانە سالىقتان جالتارۋعا قاتىستى ماقالالار جازاتىن. ونى قىزىمەن بىرگە براتيسلاۆانىڭ جانىنداعى ۆەلك ماكاداعى (Velka Maca) ءوزىنىڭ ۇيىندە 2018 جىلدىڭ 25 اقپانىندا اتىپ كەتكەن.
دافنە كارۋانا گاليزيا
فوتو: euronews.com
دافنە مالتاداعى جەمقورلىق پەن اقشانى جىلىستاتۋعا قاتىستى ماسەلەلەردى قوزعايتىن. سونىمەن قاتار "پاناما قۇجاتتارىنا" نەگىزدەلگەن بىرنەشە ماقالا جاريالادى.
ول 2017 جىلدىڭ 16 قازانىندا الىستان باسقارىلاتىن جارىلعىش زاتتىڭ ىسكە قوسىلۋىنان كوز جۇمدى. جارىلعىش زات ۇيىنىڭ جانىندا تۇرعان كولىككە سالىنعان. مالتا پوليتسەيلەرى وسى ىسكە قاتىسى بار دەگەن كۇدىكپەن 10 ادامدى قاماۋعا الدى.
كيم ۆولل (Kim Wall)
فوتو: euronews.com
30 جاستاعى شۆەد ءجۋرناليسى كيمنىڭ ءولىمى ساياسي سەبەپتەرگە بايلانىستى ەمەس. 2017 جىلدىڭ 10 تامىزىندا كيم ءىز-ءتۇسسىز جوعالىپ كەتكەن. ول كەزدە كيم دانيالىق پيتەر مەدسون سالعان ازاماتتىق سۋاستى كەمەسىنىڭ بالاماسى تۋرالى ەسەپ دايىنداپ جۇرگەن. ونىڭ دەنەسى 12 كۇن وتكەننەن كەيىن تەڭىزدەن تابىلعان. كيم ولىمىنە قاتىستى مەدسونعا ايىپ تاعىلىپ، ءساۋىر ايىندا رەسمي ۇكىم شىعارىلۋ كەرەك.
دميتري پوپكوۆ
فوتو: euronews.com
دميتري ءوزىنىڭ "Ton-M" گازەتىندە رەسەيدەگى جەمقورلىق پەن بيلىكتى اسىرا پايدالانۋعا قاتىستى ماقالالار جاريالايتىن. سونىمەن قاتار "بىرىككەن رەسەي" پارتياسىن بيلەۋشىلەردى سىنعا العان. 2017 جىلدىڭ 24 مامىرىندا ونى 5 رەت اتىپ، دەنەسىن سيبەريانىڭ مينۋسينسك قالاسىنداعى ساياباققا تاستاپ كەتكەن. ونىڭ ولىمىنە قاتىستى جەرگىلىكتى بيلىك وكىلدەرىنىڭ قوزعاعان ءىسى ءالى ەشقانداي ناتيجە بەرمەدى.
سايد كاريميان (Saeed Karimian)
فوتو: euronews.com
45 جاستاعى يراندىق تەلەجۇرگىزۋشى كۋۆەيتتىق دوسىمەن بىرگە 2017 جىلدىڭ 19 ساۋىرىندە ستامبۇلدا بىرنەشە قارۋلى ازامات قولىنان قازا تاپتى.
ونىڭ باعدارلاماسى باتىس جاڭالىقتارىن فارسي تىلىندە ۇسىناتىن. كاريمياندى تەھراندا "يرانعا قارسى ۇگىت-ناسيحات جۇرگىزگەنى" ءۇشىن ايىپتاعان بولاتىن. تۇركيا پوليتسەيلەرى سايدتىڭ ولىمىنە قاتىستى ءىس قوزعادى.
نيكولاي اندرۋچەنكو
فوتو: euronews.com
نيكولاي اندرۋچەنوك 2017 جىلدىڭ 19 ساۋىرىندە رەسەيدە 73 جاسىندا قايتىس بولدى. تۋرا 6 اپتا بۇرىن ونى ءبىر توپ ەر ادام قاتتى ۇرىپ كەتكەن بولاتىن. پەتەربور ونى ۇرىپ كەتكەن ادامداردى ىزدەگەنىمەن، ەشكىمدى تابا المادى. اندرۋچەنوك "جاڭا پەتەربور" گازەتىنىڭ نەگىزىن قالاۋشىلاردىڭ ءبىرى جانە جەرگىلىكتى جاڭالىقتار، قىلمىس جانە ادام قۇقىقتارى سالالارىنا ماماندانعان جۋرناليست بولاتىن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟