Foto: informburo.kz

1 naurızdan bastap Almatınıñ qoğamdıq kölikterinde 1 teñgege jüruge boladı. Osı künnen bastap "Beeline Qazaqstan" kompaniyası "Jolaqı 1 teñge" akciyasın iske qosadı. 

Jolaqını töleu üşin Beeline operatorın qoldanuşılar 2505 nömirine özi otırğan avtobus kodın SMS-habarlama arqılı jiberu kerek. Balanstan bastapqıda 80 teñge alınğanmen, keyin 79 teñge birden qaytarıladı.

SMS -tölem jasauğa bolatın qoğamdıq kölikter mınalar: №: 2, 3, 4, 5, 5A, 5B, 7, 13, 16, 17, 18, 20, 22, 23, 25, 29, 29R, 30, 31, 32, 34, 37, 38, 38A, 45, 47, 48, 49, 50, 52, 54, 57, 59, 60, 62, 63, 63A, 65, 66, 67, 71, 72, 73, 74, 78, 79, 80, 81, 85, 92, 95, 99, 102, 104, 106, 107, 112, 118, 119, 120, 120A, 121, 123, 126, 128, 129, 135, 141 jäne 441.

Trolleybustar: 1, 5, 7, 9, 11, 12, 19 jäne 25.

"Beeline abnomentteri SMS kömegimen 1292 avtobusta jäne 194 trolleybusta jolaqı töley aladı. SMS-tölem jasauğa qatıspağan jalğız avtopark - "AlmatıElektroTrans" JŞS. Bwl käsiporınğa tiesili 408 avtobus, yağni 26 marşrut bar. Beeline Qazaqstannıñ "Almatınıñ qoğamdıq kölikterinde 1 teñgemen jüru" akciyası - qala twrğındarı arasında kompaniyanıñ cifrlı qızmet türlerin qoldanu arqılı qolma-qol emes tölem jüyesin tanımal jasau", - degen Aleksey Bendz' Informburo.kz saytına bergen mälimdemesinde.

Al akciyağa qatıspaytın "AlmatıElektroTrans" JŞS-na tiesili avtobustar mınalar:  №: 1, 8, 12, 14, 15, 26, 28, 40, 44, 46, 56, 68, 69, 70, 77, 86, 98, 103, 115, 122, 124, 125, 127, 131, 137 jäne 201. Barlığı 26 marşrut.

Eskerte ketetin jayt, bwl akciya tek Almatı qalasında ğana jüzege asadı. Astana men basqa qalalarda iske qosılmağan. Akciya 31 mamırğa deyin jalğasadı jäne qızmet türin künine tek 3 ret qoldanuğa boladı.

“The Qazaq Times”