فوتو: informburo.kz

1 ناۋرىزدان باستاپ الماتىنىڭ قوعامدىق كولىكتەرىندە 1 تەڭگەگە جۇرۋگە بولادى. وسى كۇننەن باستاپ "Beeline قازاقستان" كومپانياسى "جولاقى 1 تەڭگە" اكتسياسىن ىسكە قوسادى. 

جولاقىنى تولەۋ ءۇشىن Beeline وپەراتورىن قولدانۋشىلار 2505 نومىرىنە ءوزى وتىرعان اۆتوبۋس كودىن SMS-حابارلاما ارقىلى جىبەرۋ كەرەك. بالانستان باستاپقىدا 80 تەڭگە الىنعانمەن، كەيىن 79 تەڭگە بىردەن قايتارىلادى.

SMS -تولەم جاساۋعا بولاتىن قوعامدىق كولىكتەر مىنالار: №: 2, 3, 4, 5, 5ا، 5ب، 7, 13, 16, 17, 18, 20, 22, 23, 25, 29, 29ر، 30, 31, 32, 34, 37, 38, 38ا، 45, 47, 48, 49, 50, 52, 54, 57, 59, 60, 62, 63, 63ا، 65, 66, 67, 71, 72, 73, 74, 78, 79, 80, 81, 85, 92, 95, 99, 102, 104, 106, 107, 112, 118, 119, 120, 120ا، 121, 123, 126, 128, 129, 135, 141 جانە 441.

تروللەيبۋستار: 1, 5, 7, 9, 11, 12, 19 جانە 25.

"Beeline ابنومەنتتەرى SMS كومەگىمەن 1292 اۆتوبۋستا جانە 194 تروللەيبۋستا جولاقى تولەي الادى. SMS-تولەم جاساۋعا قاتىسپاعان جالعىز اۆتوپارك - "الماتىەلەكتروترانس" جشس. بۇل كاسىپورىنعا تيەسىلى 408 اۆتوبۋس، ياعني 26 مارشرۋت بار. Beeline قازاقستاننىڭ "الماتىنىڭ قوعامدىق كولىكتەرىندە 1 تەڭگەمەن ءجۇرۋ" اكتسياسى - قالا تۇرعىندارى اراسىندا كومپانيانىڭ تسيفرلى قىزمەت تۇرلەرىن قولدانۋ ارقىلى قولما-قول ەمەس تولەم جۇيەسىن تانىمال جاساۋ", - دەگەن الەكسەي بەندز Informburo.kz سايتىنا بەرگەن مالىمدەمەسىندە.

ال اكتسياعا قاتىسپايتىن "الماتىەلەكتروترانس" جشس-نا تيەسىلى اۆتوبۋستار مىنالار:  №: 1, 8, 12, 14, 15, 26, 28, 40, 44, 46, 56, 68, 69, 70, 77, 86, 98, 103, 115, 122, 124, 125, 127, 131, 137 جانە 201. بارلىعى 26 مارشرۋت.

ەسكەرتە كەتەتىن جايت، بۇل اكتسيا تەك الماتى قالاسىندا عانا جۇزەگە اسادى. استانا مەن باسقا قالالاردا ىسكە قوسىلماعان. اكتسيا 31 مامىرعا دەيىن جالعاسادى جانە قىزمەت ءتۇرىن كۇنىنە تەك 3 رەت قولدانۋعا بولادى.

“The Qazaq Times”