Kievte Zelenskiy Pol'şa, Litva, Lativiya jäne Estoniya prezidentterimen kezdesti. Bes eldiñ jetekşileri bas qosqan jinalısta Zelenskiy Ukrainanıñ eñ jaqın qoldauşıları retinde osı elderdi atadı.

Ukraina prezidenti Vladimir Zelenskiymen kezdesuge Pol'şa prezidenti Andjey Duda, Litva prezidenti Gitanas Nauseda jäne Latviya prezidenti Egils Levits Kievke poyızben jetti. Kezdesude atalğan elder arasındağı ıntımaqtastıqpen qatar aymaqtağı qauipsizdik jäne Resey taqırıptarı talqılandı.

Zelenskiy kezdesuden keyin aqparat qwraldarına bağıttağan sözinde: «Pol'şa, Litva, Latviya jäne Estoniya qaşanda bizdiñ janımızda boldı», – dedi. Bwğan qosa ol körşiles elderiniñ qorğanıs salasındağı qoldauınıñ da ayrıqşa bolğanın atap ötti.

Bwl kezdesudiñ aldı-artında jasağan mälimdemelerinde Zelenskiy Europa Odağı men NATO-nı Reseyge bağıttalğan qısımdı jetkilikti deñgeyde kötermey otırğanı turalı da aytqan bolatın. Zelenskyi öziniñ beyne ündeuinde Euroodaqtan Reseydiñ mwnay-gazına tejeu qoyuın swrağan. «Reseydiñ soğıs maşinasına qoldau körsetudi doğarıp, barlıq reseylik energiya közderinen bas tartuğa dayın ekenin körsetui kerek», – degen Ukraina prezidenti.

The Qazaq Times