Wlttıq bank törağası Daniyar Aqışev. Foto: Forbes.kz

QR Wlttıq bankiniñ törağası Daniyar Aqışev prezident Nwrswltan Nazarbaevtıñ bank sektorına qatıstı aytqan sınına jauap berdi. 

"Memleket basşısınıñ ükimet jiınında aytqan sını orındı. Wlttıq bank retteuşi retinde ekinşi deñgeyli bankterdiñ 2008-2009 jıldarı jinalıp qalğan mäselelerin şeşude keşigip qaldı. Kvazimemlekettik sektor qarjısınıñ senimsiz bankterge qalay salınıp ketkenin bölek anıqtau kerek", - dedi Aqışev.

Bas bankir onlayn konferenciya kezinde eldegi bankterdi üş topqa böldi:

  • Birinşisi - dağdarıstıñ ayaqtalğanına qaramastan kredit beru sayasatın saqtıqpen jürgizgen jäne täuekelderdi tiisti deñgeyde bağalağan bankter.
  • Ekinşisi- erejelerdi saqtauğa tırısqanmen, qarjı portfelderiniñ naşar boluına baylanıstı kapitaldandıru tapşılığına tap bolğan bankter. Mäseleni bank akcionerleri özderi şeşe almağan. Onıñ üstine ol bankterdiñ äleumettik mañızı bolğandıqtan, memleket olarğa kömektesu turalı şeşim qabıldadı.
  • Üşinşisi - öz akcionerlerine kredit berip, BTA banktikine wqsas sayasat jürgizgen bankter. Bwl topqa  Bank RBK jatadı. Jasırın jatqan problemaları sırtqa şığa bastadı.

Endi Wlttıq bank baqılau sayasatın qatañdatıp, eşqanday problemağa äser ete almağan auditorlardıñ jwmısın bağalauğa kirisken.

Ayta keteyik, bwdan bwrın QR prezidenti Nwrswltan Nazarbaev ükimettiñ keñeytilgen otırısında: " Äbilyazovtıñ bastamasımen "BTA" bank barlığınıñ köz aldında halıq pen memlekettiñ aqşasın wrlap otır. Biz bükil älemge mwnıñ memleket qarjısı ekenin däleldedik. Al qazir ne boldı? Bank qwrdıq, oğan adamdar, wlttıq kompaniyalar barıp jatır. Endi sol bank akcionerleri aqşanı ol jerden şığarıp jatır,  al Wlttıq bank otırıp alıp, onı baqılauda. Bwl qalay bolğanı?", - dep Wlttıq bank törağasın sınağan edi.

Osılayşa prezident Wlttıq bank jwmısın tüzetu boyınşa zañğa özgeris engizudi jedeldetu turalı tapsırma bergen.

“The Qazaq Times”