Foto: euro.cz

20 aqpanda Stokgol'mde sot aldında söylegen 40 jastağı Özbekstan azamatı Rahmat Akilov özine tağılğan ayıptardı moyındadı. Jergilikti The Local basılımınıñ jazuınşa, Akilov bastı maqsatım "Şveciya azamattarın öltiru" boldı dep mälimdegen.

40 jastağı özbekstandıq Rahmat Akilov seysenbi küni Stokgol'm sotına jetkizildi. Ol bıltır 7 säuirde Şveciya astanasında terakt jasadı dep ayıptalıp otır. Ol jük köligimen jürginşiler jolındağı adamdardı basıp ketken. Qaza tapqandar işinde 11 jastağı qız bala men Wlıbritaniya jäne Belgiya azamattarı boldı. Ondağan adam jaralanğan.

«Men Şveciyanıñ halifatqa qarsı soğıstı toqtatqanın qalaymın. Olar äskeri aymaqqa jauıngerlerin jiberudi toqtatqanın qalaymın», – dep keltiredi The Local Rahmat Akilovtiñ sözderin.

Akilov öziniñ isine eş ökinbeytinin aşıq mälimdedi. «Meniñ äreketimniñ maqsatı – NATO koaliciyası şabuılınan zardap şekkendermen janım da, jüregim de birge ekenin körsetu boldı», – degen Akilov.

Akilov «Islam memleketine» ant etkenin aytqan. Biraq atalğan ekstremistik wyım Stokgol'mdegi oqiğanı jauapkerşiligine almadı. Biraq tergeu mälimetinşe, Rahmat Akilovqa Süriyadağı täjik sodırı tapsırma berip otırğan. Al instruktorlardıñ biri Dağıstan azamatı bolğan.

Memlekettik ayıptauşı Rahmat Akilovtı ömir boyı türme jazasına kesudi swradı. Oğan qarsı sot mamır ayına deyin jalğasıp, ükim mausım ayında şığadı dep kütilude.

“The Qazaq Times”