Jaña qauipsizdik jüye. Foto: Business 2 Community

Facebook osı aptada naqtı qauipsizdik kiltin qoldau üşin, qoldanuşınıñ autentifikaciyası (tüpnwsqalıq rastaması) retinde qosalqı qauipsizdikti qamtamasız etu amalın iske qostı. Ol – zat türindegi qauipsizdik kilti, yağni USB-ge negizdelgen qwrılğı.

Ol arqılı bir jolğı şifrlanğan qauipsizdik kiltsözin jasay alasız. Eki basqıştan twratın tekseru qadamı arqılı Facebook paraqşañızdı mülde qauipsiz etuge boladı. Köp jağdayda eki basqıştı qauipsizdik kodın tekseru mehanizmi qauipsizdik şarttarı bwzılsa, SMS jiberu arqılı jeli twtınuşılardıñ wyalı telefonına habar bere aladı.

Zat türindegi qauipsizdik kilti – apparatqa negizdelgen tüpnwsqalıq rastama bolıp sanaladı. Paraqşañızdıñ öziñizdiki ekenin rastau üşin USB-di (zat küyindegi qauipsizdik kiltin) komp'yuterdiñ USB qabıldağış wyaşığına salasız. Jeli avtomattı türde ondağı aqparattardı tauıp, sizdiñ paraqşa iesi ekeniñizdi däleldey aladı.

Paraqşañızdı qanday da bir şabuıldardan qorğau jäne derekterdiñ wrlanuınan saqtanu üşin, zattıq qauipsizdik kilti tiimdi ädis bolıp sanaladı. Aytalıq, özgeler jağınan kilt söziñiz wrlanğan jağdayda da zattıq qauipsizdik kilti bolmasa, paraqşañızdı paydalanıp kete almaydı.

Alayda, FB-nıñ bwl zattıq qauipsizdik mehanizmi Chrome jäne Opera brauzerlerdiñ soñı nwsqalarına ğana qoldanuğa jaramdı. Äzirge wyalı telefon arqılı jeli qoldanuşılarına qoljetimdi emes.

Şağın biznes üşin Facebook qauipsizdik kiltiniñ qarapayım jolın wsınadı. Qazirgi kezde köptegen käsiporındar men jeke twlğalar qauipsizdik kiltiniñ qarapayım jolın paydalanıp keledi. Onlayn şottardıñ qauipsizdigin qamtamasız etu, ziyandı äreketterge jol bermeudiñ özge de amaldarı qarastırıluda. Bwl jağınan jalğız basqıştı kilt sözi qauipsizdikti tolıq qamtamasız ete almaydı. Orta-şağın biznes ökilderi biznes-operaciyaların keñeytu üşin onlayın platformasın barğan sayın keñeytuine tura keledi. Sondıqtan, derekterdi qorğau men aqparattıq qauipsizdik asa mañızdı bolıp sanaladı.

“The Qazaq Times”