جاڭا قاۋىپسىزدىك جۇيە. فوتو: Business 2 Community

Facebook وسى اپتادا ناقتى قاۋىپسىزدىك كىلتىن قولداۋ ءۇشىن، قولدانۋشىنىڭ اۋتەنتيفيكاتسياسى (تۇپنۇسقالىق راستاماسى) رەتىندە قوسالقى قاۋىپسىزدىكتى قامتاماسىز ەتۋ امالىن ىسكە قوستى. ول – زات تۇرىندەگى قاۋىپسىزدىك كىلتى، ياعني USB-گە نەگىزدەلگەن قۇرىلعى.

ول ارقىلى ءبىر جولعى شيفرلانعان قاۋىپسىزدىك كىلتسوزىن جاساي الاسىز. ەكى باسقىشتان تۇراتىن تەكسەرۋ قادامى ارقىلى Facebook پاراقشاڭىزدى مۇلدە قاۋىپسىز ەتۋگە بولادى. كوپ جاعدايدا ەكى باسقىشتى قاۋىپسىزدىك كودىن تەكسەرۋ مەحانيزمى قاۋىپسىزدىك شارتتارى بۇزىلسا، SMS جىبەرۋ ارقىلى جەلى تۇتىنۋشىلاردىڭ ۇيالى تەلەفونىنا حابار بەرە الادى.

زات تۇرىندەگى قاۋىپسىزدىك كىلتى – اپپاراتقا نەگىزدەلگەن تۇپنۇسقالىق راستاما بولىپ سانالادى. پاراقشاڭىزدىڭ وزىڭىزدىكى ەكەنىن راستاۋ ءۇشىن USB-ءدى (زات كۇيىندەگى قاۋىپسىزدىك كىلتىن) كومپيۋتەردىڭ USB قابىلداعىش ۇياشىعىنا سالاسىز. جەلى اۆتوماتتى تۇردە ونداعى اقپاراتتاردى تاۋىپ، ءسىزدىڭ پاراقشا يەسى ەكەنىڭىزدى دالەلدەي الادى.

پاراقشاڭىزدى قانداي دا ءبىر شابۋىلداردان قورعاۋ جانە دەرەكتەردىڭ ۇرلانۋىنان ساقتانۋ ءۇشىن، زاتتىق قاۋىپسىزدىك كىلتى ءتيىمدى ءادىس بولىپ سانالادى. ايتالىق، وزگەلەر جاعىنان كىلت ءسوزىڭىز ۇرلانعان جاعدايدا دا زاتتىق قاۋىپسىزدىك كىلتى بولماسا، پاراقشاڭىزدى پايدالانىپ كەتە المايدى.

الايدا، فب-نىڭ بۇل زاتتىق قاۋىپسىزدىك مەحانيزمى Chrome جانە Opera براۋزەرلەردىڭ سوڭى نۇسقالارىنا عانا قولدانۋعا جارامدى. ازىرگە ۇيالى تەلەفون ارقىلى جەلى قولدانۋشىلارىنا قولجەتىمدى ەمەس.

شاعىن بيزنەس ءۇشىن Facebook قاۋىپسىزدىك كىلتىنىڭ قاراپايىم جولىن ۇسىنادى. قازىرگى كەزدە كوپتەگەن كاسىپورىندار مەن جەكە تۇلعالار قاۋىپسىزدىك كىلتىنىڭ قاراپايىم جولىن پايدالانىپ كەلەدى. ونلاين شوتتاردىڭ قاۋىپسىزدىگىن قامتاماسىز ەتۋ، زياندى ارەكەتتەرگە جول بەرمەۋدىڭ وزگە دە امالدارى قاراستىرىلۋدا. بۇل جاعىنان جالعىز باسقىشتى كىلت ءسوزى قاۋىپسىزدىكتى تولىق قامتاماسىز ەتە المايدى. ورتا-شاعىن بيزنەس وكىلدەرى بيزنەس-وپەراتسيالارىن كەڭەيتۋ ءۇشىن ونلايىن پلاتفورماسىن بارعان سايىن كەڭەيتۋىنە تۋرا كەلەدى. سوندىقتان، دەرەكتەردى قورعاۋ مەن اقپاراتتىق قاۋىپسىزدىك اسا ماڭىزدى بولىپ سانالادى.

“The Qazaq Times”