Qırğız Prezidenti Almazbek Atambaev jañartılğan koncstuciyağa qol qoydı. Bwl konsituciya ötken jıldıñ 11 jeltoqsanında referendum ötkizilgennen keyin özgertilgen bolatın.  Bwl turalı “Fars” baspasöz agentigi men Bi-Bi-Sidiñ qırğız qızmeti jazdı.

Bwl is-şarağa eldiñ barlıq bilik qwrlımdarı, basşıları at salıstı. Joğarı Keñeştiñ spigeri Çınıbay Tursunbekov, premer-ministr Soornbay Jeenbekov, Joğarı sottıñ törayımı Aynaş Tokbaeva, Joğarı sot Konsituciyalıq palatasınıñ törağası Erkinbek Mamırov jäne parlament frakciyasındağı basşıları qatısqan.

Atambaev bwl jaylı: "Bügin biz halıqtıq referendumnıñ nätijesinde qabıldanğan  Qırğızstannıñ eşqanday qatesi joq jaña Konstituciyasın körip otırmız. Engizilgen reformalar 2010 jılğı revolyuciyadan keyingi ükimettiñ jetistikterin saqtap qaluğa kömektesedi" dey kelip:  Qırğızstannıñ täuelsizdiginiñ bayandılığı jolında ülken qadam jasalğanın, bwdan bılay qırğızstandıq azamattardıñ öz qwqıqtarın jaqsı biletinin ayttı.

Qırğızstan prezidenti jaña Konstituciyanıñ mazmwnınıñ kömegimen biliktiñ auısuınıñ  beybit türde ötetinin mälimdedi.

Jalpı saylauşılardıñ 42 payızı dauıs beruge qatısıp, Konsituciyadağı özgertulerge 80 payızı qoldasa 16 payızı qarsı dauıs bergen.

“The Qazaq Times”