قىرعىزستان كونستيتۋتسياسىن جاڭالاپ جاتىر

قىرعىز پرەزيدەنتى المازبەك اتامباەۆ جاڭارتىلعان كونتسستۋتسياعا قول قويدى. بۇل كونسيتۋتسيا وتكەن جىلدىڭ 11 جەلتوقسانىندا رەفەرەندۋم وتكىزىلگەننەن كەيىن وزگەرتىلگەن بولاتىن.  بۇل تۋرالى “فارس” ءباسپاسوز اگەنتىگى مەن بي-بي-ءسيدىڭ قىرعىز قىزمەتى جازدى.

بۇل ءىس-شاراعا ەلدىڭ بارلىق بيلىك قۇرلىمدارى، باسشىلارى ات سالىستى. جوعارى كەڭەشتىڭ سپيگەرى چىنىباي تۋرسۋنبەكوۆ، پرەمەر-مينيستر سوورنباي جەەنبەكوۆ، جوعارى سوتتىڭ ءتورايىمى ايناش توكباەۆا، جوعارى سوت كونسيتۋتسيالىق پالاتاسىنىڭ توراعاسى ەركينبەك مامىروۆ جانە پارلامەنت فراكتسياسىنداعى باسشىلارى قاتىسقان.

اتامباەۆ بۇل جايلى: "بۇگىن ءبىز حالىقتىق رەفەرەندۋمنىڭ ناتيجەسىندە قابىلدانعان  قىرعىزستاننىڭ ەشقانداي قاتەسى جوق جاڭا كونستيتۋتسياسىن كورىپ وتىرمىز. ەنگىزىلگەن رەفورمالار 2010 جىلعى رەۆوليۋتسيادان كەيىنگى ۇكىمەتتىڭ جەتىستىكتەرىن ساقتاپ قالۋعا كومەكتەسەدى" دەي كەلىپ:  قىرعىزستاننىڭ تاۋەلسىزدىگىنىڭ باياندىلىعى جولىندا ۇلكەن قادام جاسالعانىن، بۇدان بىلاي قىرعىزستاندىق ازاماتتاردىڭ ءوز قۇقىقتارىن جاقسى بىلەتىنىن ايتتى.

قىرعىزستان پرەزيدەنتى جاڭا كونستيتۋتسيانىڭ مازمۇنىنىڭ كومەگىمەن بيلىكتىڭ اۋىسۋىنىڭ  بەيبىت تۇردە وتەتىنىن مالىمدەدى.

جالپى سايلاۋشىلاردىڭ 42 پايىزى داۋىس بەرۋگە قاتىسىپ، كونسيتۋتسياداعى وزگەرتۋلەرگە 80 پايىزى قولداسا 16 پايىزى قارسى داۋىس بەرگەن.

“The Qazaq Times”