Bişkektiñ Pervomay audandıq sotında kriminal Aziz Batukaevtı zañsız bosatu turalı iske sot ükimi şığıp, Qırğızstannıñ eks-prezidenti Almazbek Atambaev 11 jılğa sottaldı.

Almazbek Atambaev sotta söz söyleuden bas tarttı. Talqılau bölmesinen şıqqannan keyin sot Emil'bek Kaipov Almazbek Atambaevtıñ mülkin tärkilep, özin 11 jıl 2 ayğa bas bostandığınan ayırdı.

Bwğan deyin prokurorlar onıñ mülkin tärkileumen qatar 15 jılğa bas bostandığınan ayırudı swrağan bolatın.

2011 jıldan bastap 2017 jılğa deyin Qırğızstandı basqarğan A.Atambaev 8 tamızda Qoy-Taş auılında ornalasqan rezidenciyasında bir täulikke juıq sozılğan arnayı operaciya kezinde qolğa tüsti. Sot ayıptauların moyındaudan birneşe märte bas tartqan Atambaevtıñ jaqtauşıları policiyağa qarsılıq körsetip, qaqtığıs orın aldı. Arnayı jasaq sarbazı köz jwmdı. Sol küni wstalğan eks-prezident WQKD tergeu izolyatorına jetkizildi.

Almazbek Atambaevqa qwqıq qorğau organdarınıñ qızmetkerlerine qoqan-loqı körsetti, jappay tärtipsizdik ornattı, kriminaldı top basşısı Äziz Batukaevqa qoldau körsetti, Bişkek JEO qayta qwru kezinde jemqorlıq jasadı, Bişkektegi «Forum» önerkäsip ğimaratınıñ basşılığımen zañsız mämilege keldi jäne Esik oblısındağı Qoy-Taş, Istıqkölde jer uçaskelerin zañsız jolmen aldı degen ayıptar tağılğan. Sonımen qatar joğarıda atalğan ayıptaulardıñ işinde «eks-prezident adam öltirmek boldı jäne adam bopsaladı» degen bölim de bar.

"The Qazaq Times"