Foto: rtr.md

Kseniya Sobçak Resey prezidenti Vladimir Putindi sotqa berdi – dep habarlaydı Itnerfaks aqparat agenttigi.

Agenttik mälimetinşe, Kseniya Sobçak Vladimir Putinnıñ saylauğa qatarınan eki ret qatısuın el Konstituciyasına qayşı dep bağalap, onı sotqa bergen. Onda ol Resey Federaciyasınıñ Joğarğı sotınan ortalıq saylau komissiyasınıñ 6 aqpan küni Vladimir Putinnıñ kandidaturasın qabıldauğa baylanıstı şığarğan şeşiminiñ küşin joyudı swrağan.

Kseniya Sobçaktıñ şağımınan keyin ile-şala Resey ortalıq saylau komissiyası törağasınıñ orınbasarı Nikolay Bulaev jurnalister aldında tüsinikteme bergen. Onda ol: «Bwl taqırıp osıdan biraz uaqıt bwrın talqılanğan, zerttelgen. Kseniya Sobçaktıñ bwl taqırıptı qayta qozğap jatqanına qarağanda oğan ol endi jetken körinedi. Bwl swraqtarğa baylanıstı sot şeşimi bayağıda şığıp qoyğan. Qazirgi tañda Vladimir Vladimiroviçtıñ prezident saylauına qatısuına eşqanday kedergi joq» - degen.

Biraq Resey ortalıq saylau komissiyasınıñ mälimdemesine qaramastan Joğarğı sot  Kseniya Sobçaktıñ arızın qabıl alıp, alğaşqı sot otırısın 16 aqpan künine belgilegen.

“The Qazaq Times”