Foto: Petropavlovsk kz

Soltüstik Qazaqstan oblısınıñ äkimi Qwmar Aqsaqalov Petropavl qalası äkimi Marat Tasmağanbetovtıñ qorıtındı eseptik kezdesuine qatıstı. Öñir basşısı qala äkimine birqatar tapsırmalardı jüktedi, dep habarladı äkimdiktiñ baspasöz qızmeti.

Onıñ biri qala mañında azıq-tülik beldeuin qwru. Jıl sayın öñirge 13 mlrd teñgeniñ önimi äkelinedi. Onıñ 80 payızın Petropavl twrğındarı twtınadı.

«Birinşi kezektegi tauarlardı biz özimiz öndiruimiz kerek. Söytip, bağanı wstap twra alamız. Bwl qala äkiminiñ bastı mindeti. Bwl mäseleni audan äkimderimen birlesip şeşu kerek», - dedi Qwmar Aqsaqalov

Petropavlda biıl tek bir ğana iri käsiporın iske qosılmaqşı. Bwl azdıq etedi dedi öñir basşısı. Äsirese, önerkäsip aymağında bos twrğan 30 şaqtı ğimarattı qalıpqa keltirip, jaña öndiris oşaqtarın aşu qajet. Tiisinşe, jaña jwmıs orındarı payda boladı.

Biıl twrğın üy qwrılısına da qarqın qosıladı. Bıltır 1000 päter qoldanısqa berilse, biıl 1223 otbası qonıs toyın toylaydı. Alayda, qarqındı qwrılıs üylerdiñ sapasına nwqsan keltirmeu kerek.

«Men twrğındardan salınğan baspana talapqa say emes degendi estimin. Päterler suıq, qajetti qwrılıs materialdar qoldanılmaydı. Qoğamdıq baqılau kerek. Mindetterin dwrıs atqarmağan qwrılıs kompaniyaların qara tizimge engizemiz», - dedi aymaq basşısı.

Biıl qalada sayabaqtar da köbeyedi, bwl bağıtqa qarjı qarastırıldı. Bıltır 106 aulanı abattandıru boyınşa auqımdı jwmıs jürgizildi. Biıl bwl bağıtqa rekordtıq 600 mln teñge bağıttalmaq.

«Biıl biz osı bağıtqa arnayı qarjı bölip, 200 aulanı qalıpqa keltiremiz. Bwğan jaña jıldıq bezendiruden jinalğan qarajat da bağıttaladı», - dep atap ötti oblıs äkimi.

Biıl Pestroe köliniñ jağajayı da keñeytilip, abattandırıladı.

“The Qazaq Times”